Joel 1:13 - mzwDBL

¹³ Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Joel 1:13 Iomraidhean Croise

2 Samoɛl 12:16

Kooro Devid soŋe Korowii, kɛŋɔ ó ɡel bie la dɔ bokpeɡa. Dɛ o vɔwɛ nyoa, dɛ́ yon ka jo dea jwaana dɛ́ chɔ harɛ.

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Ɛsekeɛl 27:31

Baa koh he waa fonɛ ba nyuune, dɛ́ kpɔ lweyale tɔ. Baa wiu kohona tɛɛ lokua ne.

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Hosia 9:5

Tɔpejena dii Korowii aa lea cheɡ la telo aa, ɛrɛɛ baa ba ɛɛ yɔ?

Joel 2:12

Korowii ŋɔ, “A ta mun kae, hé charɛ he liire, dɛ́ kpɔ he bambile bwa tɛ mɛ, dɛ́ vɔwɛ nyoa dɛɛ wi kohona.

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Nɛra Kura 28:14

Nabal la bɛlbwa la, hé kpɔ sen pɛrɛntoa dela atoro, dɛ́ kpɔ sen pɛrɛntoa anɛ ja pebal la bɛlbwa ta, dɛ́ kpɔ sen pɛrɛntoa beŋkpoŋ ne fah ja pebiiri la ɡe ta. Anɔɔ ɛ saraha haa fuah korobie bɛlbwa ta benanyoa bɛlbwa.

Nɛra Kura 28:4

Hé kpo pebali la beŋkpoŋ chɔɔbɔr, asɛ onɔ la ɡe jɔmɔra.

Nɛra Kura 28:7

Hé kpɔ sen pɛrɛntoa beŋkpoŋ ne tama ne loɡla pebale la, dɛ́ ba fuɡe sen la ta saraha kon la ta, ásɛ a ɛ sen saraha.

Nɛra Kura 29:6

A ɡɛ sarahare nɔ ja korobie bɛlbwa ne saŋ bɛlbwa sarahare, ne a mea sarahare ne sen sarahare ɡɛ waa baɡla la ta. Á ɛ sarahare haa fuah baa tɛ Korowii a sɔɔh ɛɛ do som o be.

1 Kɔrent 4:1

A wer kɛ hɛɛ yerɛ yaa Yeesu Kristo bonɔɔna. Korowii baɡle yaa o wesɔɔhla dɛ kpɔ do ya nɔn ta ŋɔ yáa baɡle nɛra.

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 6:4

Ya dɛ ɛ ya wobɛlbwa ɡɛ aa chɛ kɛ nɛra Korowii aa tom ba ɛɛ ɛ. Wekpeɡa dɛ pu yaa, ya lawɛ bambile dɛɛ so a ne. Ya dɛ na bambiwɔrɔbe wa, a won yaa hiaih kohona. Ya dɛ na sibeɡrewaa ɡe kɛrɛdɛ.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”