Joel 1:10 - mzwDBL

¹⁰ Kooni bwa chɔ pɛɛ, asɛ harɛre bwa hol, mea ɡe bwa chɔɡ, ɡrepo nɔna bwa ɡe hol, ɔleve daa bwa chɔɡɔ.

Joel 1:10 Iomraidhean Croise

Mumpar 4:12

He paraa, he kondikwa aa ɛɛ ba. Haa soŋnibɔr ɡee dɔ. Gaaɡa ɡboo hɛɛ ba dɛɛ ɡaaɡa.”

Aesaya 15:6

Nimrim nenabɔɔ nee bwa hweehrɔ kwaraa, kpɔɡa aa lɔ o nyoa bwa holɔ, papo-lwɛɛ bɛlbwa toole dɛ ta che bela kpa.

Aesaya 24:11

Ba dɛ wi sen waa fɔɡbaahna, silɛɛ bwa tonɔ, sum ɡboo kaa. Hɛɡra toole harɛ ta kpa.

Aesaya 24:7

Daa baa kpɔ a nɔna dɛɛ ɛ sen serewɔ, dɛ ɡel sen waa do tɔɡre. Nomɛlbwa o sie fa aa dɛ lɛ sen ta la berɔ dɛɛ di suna.

Jeremia 12:11

O berɛ pua hɛŋle ɡbo harɛ, dɛ chɔ pɛɛ n siwi ta. Harɛ la bwa ɛɛ chɔɡoo, dɛkalkɛ nomɛlbwa waane laa o wa.

Jeremia 12:4

Saŋ besoo harɛ nɔ ɛɛ ba hola ka tel mɔɔ kpɔɡa bwa hol ɔ? Dɛkalkɛ nyubinikpeɡ tena soɡe o ta, a ɡel kpɔɡ bini ola ne jumbii bwa serewe. A bwa habɔɔ la, nɛra la dɛ bol ŋɔ, ‘Korowii aa waa aa pu yaa nae ba.’ ”

Jeremia 48:33

Silɛɛ ne hɛɡra bɛlbwa toole Moab harɛpare ondɛɛɡe ne kooni ta kpa. N ɡelɔ sen toole bɔra baa dɛ harama, nɛra toole dɛ́ tiɡri a ta. Baa mooluu, kɛ silɛɛ moola laa.

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Hosia 9:2

Mea ne sen aa heyaa tela ba, ásɛ senfala ɡe aa lee do.

Joel 1:12

Grepo ne fiɡ daa bwa holɔ, ɡɛɛ daa bɛlbwa waa dɛ nɔnɛ sewɛ. Kasinteŋ, nomɛlbwa ta silɛɛ dɔe kpa.

Joel 1:5

Sennyɔdɛɛra, hé ɡel he sie chɔ harɛ hɛɛ wi, hɛɛ wi senfala wa, dɛkalkɛ ɡrepo nɔna baa harama dɛɛ ɛ sen la bwa chɔɡɔ.

Joel 2:19

Korowii chaŋ ba ŋɔ, “Mɛɛ tɛ heyaa mea ne senfala ne ɔleve noo kohonaa a maɡre he ne. Maa ɡel harɛre ta nɛra mamɛ heyaa kpa.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Haɡae 1:11

N ɡelɔ hwel che harɛ ne deŋɡarere ta, ne mea kooni, ne ɡrepo ne ɔleve daa kooni, ne kondikwaa aa dɛ le harɛ la ta, ne nɛra, ne nae dɛ toma haa kpɔ he nɔɔra dɛɛ ɛ ta.”

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.