Amanesoma Jɔn Aa Chwera Tɔn 8:2 - mzwDBL

² Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

Amanesoma Jɔn Aa Chwera Tɔn 8:2 Iomraidhean Croise

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Amanesoma Luk Aa Chwera Tɔn 21:37

Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ.

Amanesoma Luk Aa Chwera Tɔn 21:38

Asɛ tɔɔ perɔ chɔmbibi aa, o yon fel ba Korowii Dea bela, asɛ nɛra yon la o be dɛ ka no o waa la.

Amanesoma Luk Aa Chwera Tɔn 4:20

Ate, Yeesu kure tɔn la tonɛ dɛ laa tɔ, dɛ kpɔ do nɛn waa dɛ nyiŋi cheremi dea bela la nɔn ta, dɛ so harɛ. Asɛ nɛra baa lɔ cheremi dea bela la bwa kpɔ sie pa o nɛɛ dɛɛ nyiŋu fuuu ken.

Amanesoma Luk Aa Chwera Tɔn 5:3

Belaa o ka jo ɡbera la bɛl bini. Dɛ baa bɛl baa dɛ yerɔ Seemɔn konee. O ŋɔ Seemɔn be ŋɔ ó taɡɛ ɡbera la do tama. Anee o taɡɛ do tama, asɛ Yeesu so o bini dɛ bol waa baɡle nɛnlaa la.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 8:20

Korowii Dea suuɡa tae dakare bɔr belaa Yeesu do dɛɛ baɡle waa dɛ bol ɡɛ waa nɔ. Bɛlbwa ta wone lawɔ, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 8:3

Asɛ Tɔnjerema ne Farisii tena lawɛ haah bɛl waa dɛ bɔ jwamane dɛ ba o ne Yeesu be, dɛ ɡel o ba che ba bwa baah ta.

We-ɛɛla 5:21

Yeesu toroma la no nyundua torome la waa la, asɛ tɔ aa pera chɔmbibi ne la, ba ka jo Korowii Dea la bini dɛɛ bol Yeesu waa la. Awola chɔɔ ne la, Sɔfonomoa la ne o nɛra yerɛ Juu tena nomonome la bwa dɛ ba cheme, dɛ tomɛ nɛra ŋɔ bá la dea la baa lawɛ Yeesu toroma la do la bini, dɛ́ ka lee ba ba.