Amanesoma Jɔn Aa Chwera Tɔn 7:4 - mzwDBL

⁴ Nomɛlbwa waa dɛ nyin kɛ nɛra jemɛ o waa la, waa o waa ɛɛ dɛɛ sɔh. Anomanta, ɡel nɛra bwa na he we-ɛɛla nɔ.”

Amanesoma Jɔn Aa Chwera Tɔn 7:4 Iomraidhean Croise

1 Koranar 22:13

Torome waa laŋa ka ɡaaɡe Mikaya bɔr la ŋɔ o be ŋɔ, “Korowii keamere la bwa nyoa pɛo ba bol ŋɔ kooro wobɛlbwa chiɡo kɛrɛdɛ. Sɛh dɛ́ ɡel he ne ba waa la ɛ beŋkpoŋ.”

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.

Matiu 4:6

asɛ dɛ ŋɔ o be ŋɔ, “Dɛ henee Korowii Bie la kpela aa, che bonɔ dɛ́ jah le harɛ, dɛkalkɛ Korowii Tɔn baɡlɔ ŋɔ, ‘Korowii ɛɛ ɡeloo o nyundua toroma ɛɛ nyiŋi he nɛɛ kɛrɛdɛ. Baa lawɛɛ haa wola nakpala kwaraa lɔ.’ ”

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

Amanesoma Luk Aa Chwera Tɔn 6:45

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa damanta aa lɔ o bambile bini, dɛkalkɛ waa aa lɔ nɛn bambile ta laanee o nyoa ɛɛ bol.

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

Amanesoma Jɔn Aa Chwera Tɔn 7:3

Anee Yeesu nimanar ŋɔ o be ŋɔ, “Le bonɔ dɛ́ kaa Juda harɛ ta, ásɛ he habɔteŋra baa lɔ bela la ka na he nyokpowaa haa dɛ ɛ nɔ.

Amanesoma Jɔn Aa Chwera Tɔn 7:5

O nimanar la ɡbabir ta on yaradae.