Amanesoma Jɔn Aa Chwera Tɔn 3:8 - mzwDBL

⁸ Bela peu aa dɛ nyin laanee o ta dɛɛ kaa. O dɛ ta aa, he dɛ no o ɡbɔɡa kɛ haa on na, haa won jemɛ bela waa lea ne bela waa dɛ kaa. Gɛɛ nomɛlbwa Korowii Domadɛɛɡe aa lolɔ la do. Dɛ o we-ɛɛla laa aa, komɛlbwa toole dɛɛ baɡle kɛ Korowii Domadɛɛɡe lolɔ.”

Amanesoma Jɔn Aa Chwera Tɔn 3:8 Iomraidhean Croise

Yela 107:25

O nyoa wobol ɡelɔ peukpeɡ ta, asɛ dɛ ir mpo nehɛma kohona.

Yela 107:29

O ɡelɔ peukpeɡ la nyoa sɔɔh, asɛ nehɛma la ɡel lɔe.

Yela 135:7

O ɡelɔ baama aa dɛ nɛ bwaala ir dɛɛ le harɛ jaɡa, dɛ ɡel bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Wejereme 1:6

Peu dɛ ta baa kaa weekaŋle nyunduabɔr, dɛ́ berɛ ta baa kaa weekaŋle harɛbɔr, o dɛ ta bar ɡɛ naa dɛ ba cheme, dɛ́ berɛ ba kaa o buɡ ta.

Ɛsekeɛl 37:9

Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Amanesoma Jɔn Aa Chwera Tɔn 3:7

He bɛ ɡel waa maa bola ŋɔ a chɛ kɛ ba berɛ lolɛ heyaa la kpo he nyoa.

Amanesoma Jɔn Aa Chwera Tɔn 3:9

Belaa Nikodeemɔs pɛɛro ŋɔ, “Ɛrɛɛ waa nɔ ɛɛ ba ɛɛ dɛ won maɡre ɔ?”

We-ɛɛla 2:2

Kerabeŋkpoŋ dɛ komɛl dɛ ɡbɔɡre nyundua dɛɛ si kɛŋɔ peujen bɛl aa dɛ ta ken. Asɛ a ɡɛ ɡbɔɡa la tɔ dem la baa lɔ o ta la bwa.

We-ɛɛla 4:31

Baa soŋe Korowii tonɛ la, dea baa lɔ o bini la jiɡro. Korowii Domadɛɛɡe baa so ba nɛ, asɛ baa bol Korowii Waa la bansua bwa ne.

1 Kɔrent 12:11

A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.

1 Kɔrent 2:11

Nomɛlbwa aa o dɔŋ nyu bini jemɛ, nemenɛ naate ɡbaɡba. Gɛɛ a do nɛwɛnyini aa wola waa aa lɔ Korowii be jemɛ. O Domadɛɛɡe ɡbosoroo jemɛ o nyu bini.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.