Amanesoma Jɔn Aa Chwera Tɔn 3:2 - mzwDBL

² Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Amanesoma Jɔn Aa Chwera Tɔn 3:2 Iomraidhean Croise

1 Koranar 17:24

Luhaah la chaŋe Elaeja ŋɔ, “Anɔ taa n jemɛ kɛŋɔ Korowii keamee hen, Korowii waa aa dɛ le he nyoa la ɛ kpela.”

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Jeremia 38:16

Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Matiu 23:7

Ba dɛ nyin kɛŋɔ nɛra ba harɛ, dɛɛ lea ba yawa ta ne fɔɡbaahna, dɛɛ yer ba ‘Nomoa, nomoa.’

Matiu 23:8

He bɛ ɡel nomɛlbwa yerɛ heyaa ba nomoa, dɛkalkɛ he bwa kɛrɛdɛ. Nomoa beŋkpoŋ ɡbo ɡee he dɔ.

Amanesoma Mak Aa Chwera Tɔn 12:14

Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Jɔn Aa Chwera Tɔn 1:38

Belaa Yeesu ke nyiŋi dɛ na kɛ baa teŋɛ o nɛ, asɛ o bɔɔ ba ŋɔ, “Bɔkwaa hɛɛ nyin ɔ?” Asɛ ba bɔɔro ŋɔ, “Rabae, lee he dem doɔ?” Rabae munii nɛn waa dɛ chaɡle wa.

Amanesoma Jɔn Aa Chwera Tɔn 10:38

Kɛ dɛ n dɛ ɛ o we-ɛɛla aa ɛ nyokpowaa te, dɛ haa men yarada kwaraa naa, hé yarada o nyokpowaa la te, ásɛ dɛ jemɛ kɛ n ne o ɛ beŋkpoŋ bɛlbwa aa wola won daɡre o te o dɔŋ nɛ.”

Amanesoma Jɔn Aa Chwera Tɔn 12:37

O ɛ nyokpowaa kohona ba siwi ta, kɛ ane abwa, ba ta on yaradae.

Amanesoma Jɔn Aa Chwera Tɔn 14:10

Haa yarada kɛŋɔ n ne n Mɛɛ la pɛo dɛ ɛ beŋkpoŋ, o joo mɛ n ɡe joo kɛɛ? N waa maa bol la bwa ta n ɡbabir be leɛ. N Mɛɛ laanee joo mɛ asɛ mɛɛ ɛ o toma.

Amanesoma Jɔn Aa Chwera Tɔn 15:24

Dɛ n fe ta waa nɛwɛnyini bɛlbwa aa wola ɛɛ ka ɛ ba siwi ta te naa, ba fe aa bolchɔɡee di. Kɛ ba na n nyokpowe-ɛɛla bwa, dɛ ɡarɛ hah n ne n Mɛɛ bwa.

Amanesoma Jɔn Aa Chwera Tɔn 2:11

Yeesu nyokpowaa waa tɔ sie ɛa laanee la. Keena waa lɔ Galilia harɛ ta laanee o ɛa, dɛ chaɡle o nɛnsoo ne kpeɡri waa dɔa, asɛ o habɔteŋra la na dɛ yaradao.

Amanesoma Jɔn Aa Chwera Tɔn 20:16

Anee Yeesu yerɔ ŋɔ, “Mɛɛre.” Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.

Amanesoma Jɔn Aa Chwera Tɔn 3:26

Ba la Jɔn be dɛ ka pɛɛro ŋɔ, “Nomoa, he dɛ lii kɛ he ne baa bɛl fa aa cheɡɛ Jɔɔdan Moo la wee leebɔr pera la aa? O waa he faa bol la. O dɛ sɔ nɛra Korowii ne, asɛ nɛra bwa chwa dɛɛ kaa o be.”

Amanesoma Jɔn Aa Chwera Tɔn 4:31

Haah la aa kaa bwɛɛ la ta la, Yeesu habɔteŋra la soŋo jande jande ŋɔ, “Nomoa, lɛ kondikwaa di!”

Amanesoma Jɔn Aa Chwera Tɔn 5:36

Kɛ n dɔ danseɛ bɛl waa kpeɡa dɛ ɡwaa Jɔn danseɛ waa baa di tɛ mɛ la kwara. Anee kɛ toma n Mɛɛ Korowii aa kpɔa do n nɔn ta ŋɔ ń ɛ la. Anee dɛɛ baɡle kɛ onee tom mɛ.

Amanesoma Jɔn Aa Chwera Tɔn 6:2

Belaa nɛnlaa tenten teŋɛ o nɛ, dɛkalkɛ ba nao kɛ waa ɛ nyokpowaa weela tena chaeh ta ka.

Amanesoma Jɔn Aa Chwera Tɔn 7:31

Nɛnlaa la kɛrɛdɛ bwa yaradao, asɛ dɛɛ bol ŋɔ, “Amɔ dɛ Kristo la baa ba naa, wɛɛ won dɛɛ ɛ nyokpowaa kohona dɛ́ ɡwaa anɔ baa nɔ aa dɛ ɛ nɔ kenɛ?”

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

Sitɔɔla 6:27

Anomanta, Gedeɔn kpɔ o bonɔɔna la bini fi dɛ ɛ ɡɛ Korowii aa bol o be la. Kɛ waa dɛ ɔmɛ o dem nɛra ne bwɛɛ la baala la nomanta, o ta an webaŋa ɛɛ dɛ ɛa jwaana.