Amanesoma Jɔn Aa Chwera Tɔn 2:6 - mzwDBL

⁶ Dɛ vɛɛhna anumɛl cheɡɛ bela asɛ ba kpɔ dɛɛ ɛ ba nawee bɛl. Ba yon ɛ nee do a bini ásɛ nɛra yon dɛɛ sarame ba sarama bɛl soo mɔɔ dɛɛ di kwa. Dɛ vɛɛhna la bɛlbwa won nee haŋkorɔ fah lɛɛ.

Amanesoma Jɔn Aa Chwera Tɔn 2:6 Iomraidhean Croise

Amanesoma Luk Aa Chwera Tɔn 16:6

Anee o ŋɔ, ‘N di kem noo ɡarare lafa.’ Anee bonɔɔ la ŋɔ, ‘Lɛ tɔn warane, dɛ́ so harɛ dɛ́ chwerɛ fifraanue.’

Amanesoma Jɔn Aa Chwera Tɔn 2:7

Yeesu ŋɔ ba be ŋɔ bá do nee vɛɛhna la bini á su, asɛ ba do nee a su laɡlaɡ ken.

Amanesoma Jɔn Aa Chwera Tɔn 3:25

Dɛ nɛra baa teŋɛ Jɔn nɛɛ la ne Juu te bɛl dɛ tɔŋle dɔŋa ba bela Korowii toma waa aa ɛ nɔɔra ne naa sarama ne nee sɔe wa.

Ɛfesos 5:26

O sewɔ tɛɛ ba, dɛ́ ɡel ba won ɛ o nɛra, ásɛ ba doŋa bwa won le ba nɛ, o waa baa noa ne Korowii nee baa sɔ ba nomanta.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

Hibru 9:19

Mosis tɔ sie baɡle waa bwa Korowii aa ŋɔa ó nɛra la ɛ dɛ le Korowii Mmara Tɔn bini, mɔɔ dɛ kpɔ nabie ne boohna chale koo nee ta, dɛ kpɔ pee pona aa swɛɛra ne hesɔp ɛ chal ne nee la merɛ Korowii Mmara Tɔn la ne nɛra la bwa nɛ.