Amanesoma Jɔn Aa Chwera Tɔn 2:5 - mzwDBL

⁵ O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

Amanesoma Jɔn Aa Chwera Tɔn 2:5 Iomraidhean Croise

Mumpar 41:55

Lɔr aa baa pa mun Ijipt harɛ ta bwa ɡe la, bela tena wio no kooro la ŋɔ ó tɛɛ ba kondikwa. Asɛ o ŋɔ bá la Josef be, ásɛ ɡɛ bwa waa ŋɔ la, bá ɛ.

Mumpar 6:22

Nowa ɡe ɛ komɛlbwa Korowii aa doo ŋɔ o ɛ la bwa.

Ɛsekeɛl 12:7

Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.

Matiu 12:46

Yeesu nyoa ta aa lɔ waa ta o bol dɛɛ baɡle nɛra la la, o nya ne o nimanar ba bela dɛ ba che buse dɛɛ nyinu dɛ́ bol waa o be.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Sitɔɔla 13:14

O bɛ ɡrepo nɔn komɛlbwa di, á ba ɛ kɛŋɔ wɛɛ nyɔ seŋkpeɡa bɛlbwa kɛɛ wɛɛ di kii konee. A chɛ kɛ ó ɛ anɔ la bwa maa doo la.”

Rut Tɔn 3:6

Anomanta, o la pɛla la ta jwaana la ne la, asɛ dɛ ka ɛ ɡɛ Naomi aa baɡlo la.