Amanesoma Jɔn Aa Chwera Tɔn 2:4 - mzwDBL

⁴ Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

Amanesoma Jɔn Aa Chwera Tɔn 2:4 Iomraidhean Croise

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

2 Samoɛl 19:22

Anee Kooro Devid chaŋe ŋɔ, “Seruya bii, bɔkwa waa n ne he dɔ ɛɛ yɔ? He nyin wa ba dawɛ n nɛ, dɛ berɛ n dɔma! A chɛ kɛ bá lawɛ nɛn kpo Israel harɛ ta fini ɡɛ naa? N laa kooro Israel harɛ ta taraken nɔ naa?”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Wejereme 3:1

Komɛlbwa dɔ o saŋ Korowii aa lea cheɡ, asɛ wobɛlbwa ɡe dɔ o tɔpere harɛ nɔ ta.

Matiu 15:28

Anee Yeesu ŋɔ o be ŋɔ, “Gɛ haa dɛ yarada mɛ la kan kɛrɛdɛ! Gɛ haa dɛ nyin la, aa ɛ ɡɛɛ tɛɛ.” Buɡ la ta, bie la ɡbaŋre.

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Amanesoma Luk Aa Chwera Tɔn 2:49

Belaa o ŋɔ ba be ŋɔ, “Ɛrɛɛ he ɡaaɡe dɛɛ nyin n bɔr nɔɔ? He ta wone jemɛ kɛŋɔ n Mɛɛ Korowii deemii n do kɛɛ?”

Amanesoma Jɔn Aa Chwera Tɔn 12:23

Anee o chaŋ ba ŋɔ, “Men Nɛn Bie la tɔpere telo kɛŋɔ Korowii tɛ mɛ jirima.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 2:3

Dɛ ba dɛ tɛ nɛra la aa cheme bela la sen, asɛ a bo. Belaa Yeesu nya ŋɔ o be ŋɔ, “Ba sen bwa tonɔ.”

Amanesoma Jɔn Aa Chwera Tɔn 20:13

Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?” Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.”

Amanesoma Jɔn Aa Chwera Tɔn 20:15

Belaa Yeesu ŋɔ, “N nya, bɔkwa waa bala hɛɛ wi ken nɔ? Ume bɔree hɛɛ nyin ɔ?” Dɛ Mɛɛre dɛ lii kɛŋɔ nɛn waa dɛ nyiŋi bodɛɛɡe baa du daa bela laanee, anomanta, o chaŋo ŋɔ, “Nomoa, dɛ henee baa kpɔ n Dɔɔ kaa laa, hé ɡel n jemɛ bela haa kpɔɔ ka bil, ásɛ dɛ la ka kpɔɔ.”

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 7:6

Yeesu ŋɔ ba be ŋɔ, “He te, tɔpere bɛlbwa wer tɛ heyaa kɛ he la bela, kɛ n te tɔpere ta tele mɔɔ.

Amanesoma Jɔn Aa Chwera Tɔn 7:8

Hé kaa ka di tɔpejen la. Tɔpere n te aa ba bela la ta tele mɔɔ.”

Amanesoma Jɔn Aa Chwera Tɔn 8:20

Korowii Dea suuɡa tae dakare bɔr belaa Yeesu do dɛɛ baɡle waa dɛ bol ɡɛ waa nɔ. Bɛlbwa ta wone lawɔ, dɛkalkɛ dɛ o tɔpere ta tele mɔɔ.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Mmarare 33:9

Banee lawɛ he waa bini kpoŋe ɡwaa ba nyare ne mɛɛnanar, ne ba dɔɔranar kɛɛ biirere. Ba teŋɛ he waa ta dɛɛ di kasinteŋ he fɔo he ne baa fɔwa la ta.