Amanesoma Jɔn Aa Chwera Tɔn 2:10 - mzwDBL

¹⁰ Anomanta, o yerɛ hanfale jaa la dɛ ŋɔ o be ŋɔ, “Nomɛlbwa dɛ ba nɛra sen tɛɛ yaa, andɛɛɡa nee o yon tɔ sie le, ásɛ nɛra bwa aa dɔ kohona nyɔ la, mɔɔ o yon le anɔ la aa wola somɛ la ne ásɛ baa nyɔ. Ɛrɛɛ he te tɔ sendɛɛɡa cheɡ dɛ ka mun dɛɛ ba a ne nɔɔ?”

Amanesoma Jɔn Aa Chwera Tɔn 2:10 Iomraidhean Croise

Mumpar 43:34

Ba kpɔ Josef kondikwaa la ane ba bɔne ba. Ba tɛ Bɛnjamen bɔre anue, dɛ ɡwaa ɡɛ baa tɛ ba kar la. Ba di kondikwaa la dɛ vaɡre, dɛ nyɔ sen lɛ ba sie.

Yela 104:15

dɛ́ dɔ sen nyɔ ba sie lɛ, ne noo baa kpɔ fɔɡle ba siebɔra á do wer, dɛ kondikwa aa tɛɛ ba bokpeɡa ɡe.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Matiu 24:49

dɛ do o bonɔndɔŋa la nɛɛ dɛɛ lɔɔ, dɛɛ di kwaa waa dɛ nyin, o ne sennyɔɔra ɛɛ dɛɛ raa, amɔ wɛɛ na waa.

Amanesoma Luk Aa Chwera Tɔn 12:45

Kɛ dɛ bonɔɔ la ta ɡɛ liire, dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’ dɛ do o dɔŋa bonɔɔna la ne toli baa kaa la nɛɛ dɛɛ lɔɔ, dɛ di kwaa dɛ nyɔ sen dɛɛ dɛɛ raa, amɔ wɛɛ na waa.

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

We-ɛɛla 2:15

Gɛ haa dɛ lii ŋɔ senee nɛra nɔ nyɔ nɔ, sen laa ba nyɔ. Chɔɔ laa ta naa?

1 Kɔrent 11:21

He bini bane dɛ di ɡɛ kondikwaare la warane, haa cheɡɛ dɛɛ kpa he bala. Bane yon dɔ di dɛ́ nyɔ sen kohona dɛ́ berɛ dɛ́ɛ dɛɛ, dɛ bane ta komɛlbwa dɔe dɛ di.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

1 Tesalonika 5:7

Bɔhwaahra ne nɛra baa dɛ dɛɛ te bwa ɛ biro bini nɛra.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.