Amanesoma Jɔn Aa Chwera Tɔn 1:4 - mzwDBL

⁴ Korowii Nyoa Wobol la bee Korowii mkpa do, asɛ ɡɛ mkpa nɔ ɡe ɛ kɛŋɔ nii dɛɛ chaah nɛwɛnyini sie.

Amanesoma Jɔn Aa Chwera Tɔn 1:4 Iomraidhean Croise

Yela 49:6

Nɛra baa kpɔ ba te dawɛ ba kondɔɔh ta koh a waa dɛɛ ɛ mbarafo aa, maa ɔmɛ.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 11:25

Asɛ Yeesu ŋɔ o be ŋɔ, “Menee dɛɛ chum nɛra seo ta, menee dɛɛ tɛɛ ba mkpa. Nomɛlbwa waa yarada mɛ la, dɛ o sewɔ kwaraa naa, wɛɛ dɔ mkpaa.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 5:26

Gɛ Korowii aa dɔ mkpa dɛɛ tɛ la, ɡɛɛ o ɡel o Bie la ɡe dɔ mkpa dɛɛ tɛ,

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Amanesoma Jɔn Aa Chwera Tɔn 9:5

N taa lɔ harɛ nɔ ta bonɔ nɔ, menee kandea dɛɛ chaah nɛra bwa.”

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Kolosi 3:4

Awola Yeesu Kristo he mkpa aa lɔ o be aa ba harɛ ta la, he ne o bwa ɛɛ pɛo dɛ ba ɡɛ saŋ, dɛ ba dɔ jirima o bala la ta.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

1 Jɔn 1:2

O fa lɔ Korowii be dɛ berɛ ba ɛ nɛn, asɛ ya nao. Anomanta, ya dɛ bol o waa he be kɛŋɔ Yeesu Kristo waa ɛ saŋ bɛlbwa mkpa dɛ faa do o Mɛɛ be la, o ba ya be ya jemɔ.

1 Jɔn 5:11

Waa Korowii aa bola a ɛ danseɛ laanee nɔ. O tɛ yaa o mkpa aa wola jaɡa dɔe bwa la, asɛ o Bie la bee ɡɛ mkpa la ɡe le.

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”