Amanesoma Jɔn Aa Chwera Tɔn 1:1 - mzwDBL

¹ Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Amanesoma Jɔn Aa Chwera Tɔn 1:1 Iomraidhean Croise

Mumpar 1:1

Komɛlbwa mumpar la, Korowii ta nyundua ne harɛ.

Yela 45:6

He kora Korowii aa lea cheɡe, ɛɛ cheo saŋ bɛlbwa dɛɛ la, kasinteŋii hɛɛ ba kpɔe, dɛ́ nyiŋi he nɛra nɛ.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Amanesoma Luk Aa Chwera Tɔn 24:53

dɛ yon ka jo Korowii Dea dɛɛ jam Korowii tɔpere bɛlbwa.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 1:2

Dɛ onee ja Korowii nɛɛ mumpar la.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 17:5

Anomanta, n Mɛɛ, maa cheɡɛ he sie taraken nɔ, tɛ mɛ jirima n ne haa dɔa wubwa mɔɔ dɛ ta harɛ nɔ la.

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

Ɛfesos 3:9

Korowii aa ta komɛlbwa saŋ la ba le fini, o kpɔ waa nɔ ne ɡɛ a ŋwɛnɛre aa doa sɔh nɛwɛnyina. Kɛ o pili a bini baɡ mɛ ń bol baɡle nɛra bwa ba jemɛ.

Felepae 2:6

O do ɡɛ Korowii aa doa, kɛ o ta ɡelɛ ɡɛ su o siwi kɛŋɔ o ne Korowii ɛ kɛrɛdɛ.

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Kolosi 1:17

Gɛ saŋ a bɛlbwa fa aa wola toole la, dɛ o te lole. Onee lawɛ komɛlbwa kpoŋe, a ta do le ba le fini nɔ la.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 13:8

Yeesu Kristo aa beɡre. Gɛ waa doa a saŋ la, ɡɛɛ o ta do fini, ɡɛɛ wɛɛ ba doe saŋ bɛlbwa.

Hibru 7:3

Mɛlkesɛdɛk ta nya ne mɛɛ dɔe ya jemɛ. O ta lolanar dɔe. O ta lola tɔpere ne sewa tɔpere ɡba dɔe ya jemɛ. O ɛ Sɔfo saŋ bɛlbwa dɛɛ la aa wola jaɡa dɔe kɛŋɔ Korowii Bie la ken.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

1 Jɔn 5:7

Kombele atoroo di danseɛ dɛɛ tɛ Yeesu.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:17

Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Wepila 1:2

Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 19:13

O sɔn bɛl ɡee Korowii Nyoa Wobol. O tɔ yal bɛl baa kpɔa li chal.

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 22:13

Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,