Jeremia 9:7 - mzwDBL

⁷ Anomanta, Koranar Bwa Kooro ŋɔ, “Mɛɛ do n nɛra nii taa, dɛ́ daah ba na kɛŋɔ ba yon kpɔ buni do nii ta la ken. Bɔkwaa mɛɛ ba ɛɛ n nɛra wechɔɡa waa jaɔ?

Jeremia 9:7 Iomraidhean Croise

2 Samoɛl 13:26

Ate, Absalɔm berɛ ŋɔ, “A wer, dɛ ɡɛɛ tenaa, tɛ n dɔɔ Amnɔn ŋwɛnɛ ó ba ja ya nɛ.” Asɛ kooro bɔɔro ŋɔ, “Ɛrɛɛ chɛ kɛ ó ba ja he nɛɔ?”

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

Yela 120:4

Banyoo hɛma aa nyɛɡa, ne hɔla aa dɛ hɔ kohona nee wɛɛ ba he deŋne tɛra.

Yela 55:22

Kpɔ he waa bwa dawɛ Korowii nɛ, wɛɛ che he habɔɔ, waa ɡel nɛra ba wa aa toɡra chole bwa.

Yela 62:5

Korowii ɡbosoo nɛɛ n kpɔ n te dawɛ, o nɛɛ mɛɛ hwɛɡɛ.

Aesaya 1:25

Mɛɛ tɛr he deŋnee kohona, dɛ ɛ heyaa kɛŋɔ ba yon kpɔ suuɡaswɛm do nii ta dɛ laa o doŋa kpɔ o ta la ken.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Jeremia 6:27

Jeremia, n kpɔe ka do n nɛra bini ásɛ he nyiŋ ba, ɡɛ nɛn yon nyiŋi bune dɛ jemɛ a bini andɛɛɡa la.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Pita 4:12

N dandɛɛɡa, he bɛ ɡel nii haa dɛ na taraken nɔ kpo he nyoa. Daahnaa Korowii kpɔa dɛɛ daah he yarada. He bɛ ɡel a ɛ heyaa wehɔɔhra.