Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.
Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”
Koranar Bwa Kooro bolɔ ŋɔ, “Babelɔn danjwɛkpeɡ la dɛ́ ba kuuɡa chɔ harɛ, ásɛ nii le o doonyojena ta. O nɛra koeh baa koah ɛ pɛɛ, ásɛ nii le a bwa ta á fuh.”
Asɛ dɛ berɛ ŋɔ, ‘Gɛ maa ɡela bwe la morɛ la, ɡɛɛ mɛɛ ba ɡela Babelɔn chɔɡ baa wola won kwaa vɔrɔwo kpa, wenaale Korowii aa kpɔa dɛɛ ba ba ta ba nɛɛ la wa.’ ” Men Korowii keame Jeremia, n wobol jaɡɛ bonɔ.
Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.
Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.
Ba nyoa wobol do kɛŋɔ hɛm waa dɛ kpo ken, wechɔɡa ɡboo baa bol. Nyoa wobol ɡbo nee baa lea dɔŋa, kɛ ba bambile bini te ta chaahnɛ, ba dɛ haɡre dɔŋa bela.
Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?
Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.