Jeremia 9:3 - mzwDBL

³ Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Jeremia 9:3 Iomraidhean Croise

Mumpar 39:16

Haah la kpɔ yal la cheɡ, dɛ ka tel kɛŋɔ Pɔtefa aa bala.

Sɛɡla 12:5

Nɛn o wa aa toɡra bol waa dɛɛ pa bole aŋwɛnɛ ta, kɛ nɛn o nyondoŋe aa bar o nyu te liire ɛ nyosone ɡbosoo.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Aesaya 9:18

Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Jeremia 5:4

Ate, n berɛ lii ŋɔ, “Ba ɛ nyaara ɡbo baa wola jemɛ, ba ɛ ɡɛna, dɛkalkɛ baa waa Korowii baa dɛ tomɔ aa dɛ nyin jemɛ.

Jeremia 5:5

Anomanta, mɛɛ la nomonjena bee n ne bá ka bol. Ba te jemɛ Korowii baa dɛ tomɔ la waa bwa kɛrɛdɛ.” Kɛ ba bwa pɛ nyoa dɛ vɛh Korowii waa la ta teŋa.

Jeremia 6:28

Ba bwa ɛ deŋnekpeɡ ne bambikpeɡ tena, dɛ valɛ dɛɛ ɛ nyokpɛl ɡbo. Ba kpeɡri kɛŋɔ ayaawa ne buni ken, ba bɛlbwa we-ɛɛla aa were.

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Jeremia 9:5

Dam dɛ neɡre o dɔŋ, bɛlbwa aa kasinteŋ bol. Nyosone ɡboo su ba nyoo, baa koh wechɔɡa ɛɛ ta.

Jeremia 9:8

Ba nyoa wobol do kɛŋɔ hɛm waa dɛ kpo ken, wechɔɡa ɡboo baa bol. Nyoa wobol ɡbo nee baa lea dɔŋa, kɛ ba bambile bini te ta chaahnɛ, ba dɛ haɡre dɔŋa bela.

Ɛsekeɛl 8:13

Korowii berɔ ŋɔ, “Hɛɛ na anɔ la maa kia kohona á ɡwaa anɔ.”

Daneɛl 11:27

Gɛ koranar banɛ baa dɔ liichɔɡa tɛ dɔŋa nɔ ɛɛ pɛo so tiɡ ta dɛɛ neɡre dɔŋa, kɛ aa tɔnɔ bɛlbwaa dɔ tɛɛ ba, dɛkalkɛ saŋ baa lea cheɡ la ta dɛ ba.

Lewi Dea Tena 19:11

He bɛ dɛɛ ŋwɛ. He bɛ nyosone dɛɛ teŋe. He bɛ dɔŋa dɛɛ neɡre.

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

We-ɛɛla 24:9

Ate, dɛ Juu tena baa lɔ bela la bwa deno pɛ dɛ sɛh ŋɔ kasinteŋii ba nɛn la bola la.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 3:13

Ba nyoa wobol doŋo, a sɔɔh nyosone ɡboo ba bwa. A do kɛ domkpuli aa choɡe nɛn, dɛ berɛ do kɛ tɛɡchɔɡa aa dɛ kpo ken.

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

Felepae 1:28

dɛ́ berɛ dɔ bambile haa wola he dɔma ɔmɛ tamaa bɛlbwa bwa. He bambile dɔe la taa bá che jemɛ kɛŋɔ Korowii ɡbaɡba ɛɛ lɛ heyaa dɛ́ chɔɡ ba.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Sitɔɔla 14:17

O wio tɔpera anuanɛ baa kpɔa dɛɛ ɛ hanfalwaa la bwa. Waa teŋa dɛɛ pɛɛro la, o sɛh dɛ baɡlo a mun tɔpenuanɛ wee la ta. Asɛ o ɡe ka bol o nɛra la be.

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.

1 Samoɛl 2:12

Dɛ sɔfo Eli bibaala nyu bini kpeɡri, baa Korowii ɔmɛ.