Jeremia 9:2 - mzwDBL

² N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Jeremia 9:2 Iomraidhean Croise

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Jeremia 13:22

Kɛ he berɔ ŋɔ, “Ɛrɛɛ ɡɛ waa nɔ pu yaa nɔɔ?” He wechɔɡa kohona waa he bwara laala kɛɛ, a ɡel he bwara ɛɛ nyɛɡ kohona la.

Jeremia 23:10

Jwamane su harɛ la ta, Korowii taahna nomanta, harɛ la chɔɡɔ, a ɡel kondɛɛra dibɔra aa lɔ pua hɛŋle ɡbo harɛ hol. Keamere la kpɔ ŋwɛnɛchɔɡa ta dɛɛ di kpeɡri.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Jeremia 5:11

Israel ne Juda tena bwa waa ta kasinteŋ dɔe tɛ mɛ kwaraa. Men Korowiirii bola.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 5:7

Ba waa ta kasinteŋ dɔe tɛ mɛ, ba le n habɔɔ, sɛmbii ɡboo baa loɡle. Ba Korobifala Tɔpejena dii, ɛɛ chɔɡ ba ne ba kooni bwaa.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Hosia 7:4

Ba bwa dɛ bɔ jwamane, ba we-ɛɛla do kɛŋɔ fononoo bini nii nɛn waa dɛ wɔɔ paanoo aa kwaara do kohona, dɛ charame paanoo ka tel kɛŋɔ aa uɡa, dɛ kpɔ ka do fononoo bini la.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Malakae 2:11

Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Malakae 2:14

He dɛ bɔɔ ŋɔ, ‘Ɛrɛ waa Korowii vɛh yaa nɔɔ?’ A kaa ɛ kɛŋɔ he ne he bonɔɔne saŋ haah Korowii aa ɛ danseɛ a ta ken, dɛkalkɛ he chɔɡ fɔo haa ŋwɛɛra Korowii sie ŋɔ o ɛ he haah la.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

Sitɔɔla 2:10

Josua ne o nɛra la kapa aa baa serewe la, bane ɡe iro dɛ baa jemɛ kɛ Korowii lole, á ba ɛ kɛ baa na waa waa ɛa tɛ Israel tena laanee.