Jeremia 8:5 - mzwDBL

⁵ Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Jeremia 8:5 Iomraidhean Croise

Sɛɡla 4:13

Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Jeremia 3:5

he baah ɛɛ teŋɔ di ya nɛɛ ɡɛ naa?’ Gɛɛ he yon dɛɛ bol, kɛ dɛ ɡarɛ kaa ɛ wechɔɡa bɛlbwa haa dɛ nyin.”

Jeremia 5:27

Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 4:16

Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Amanesoma Jɔn Aa Chwera Tɔn 5:40

Kɛ haa nyin kɛ he ba n be dɛ́ ba dɔ mkpa la.

1 Tesalonika 5:21

Kɛ hé nyiŋi ba webaɡla, ásɛ dɛ lawɛ anɔ la aa wera la bini.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Wepila 2:25

Kɛ waa la haa lawɛ a bini kɛrɛdɛ la, hé den lawɛ a bini ɡɛ ń ba.