Jeremia 8:1 - mzwDBL

¹ Korowii ŋɔ, “A ɡɛ saŋ la, baa pa Juda koranar ne nomonome, ne sɔfore ne Korowii keamere, dɛ banɔ la baa jaa dɛ fa so Jerusalam la hoɡaa le ba lalbɔɔne bini.

Jeremia 8:1 Iomraidhean Croise

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

2 Koranar 23:16

Kooro Josia nyiŋo, dɛ na ŋwama ane deŋɡare bɛl ta. Asɛ o ɡel ba huɡri hoɡa la, dɛ fuah kon voɡtoroma aa dɛ ɛ saraha o ta la ta. Gɛɛ o ɛ dɛ kpɔ doŋa kaoh, asɛ waa Korowii keame la fa aa tɔ sie bol ba tɔpejen bɛl dii, ɡɛ saŋ Kooro Jɛroboam aa cheɡɛ saraha kon jwɛh la ɛ kasinteŋ.

2 Koranar 23:20

Kooro Josia kpoo kerekpoŋra baa soɡe voɡa la ta bwa, dɛ fuh nɛra hoɡa saraha kwaa la ta, dɛ laa berɛ kaa Jerusalam.

2 Koranar 9:37

O hoɡa ɛɛ doo kɛŋɔ bena aa chɔ puldoa ken do harɛ la ta, nomɛlbwa aa wola o jema ba.’ ”

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

Jeremia 14:16

Laa ne lɔr la nomanta, nɛra baa bol ɡɛ waa nɔ baɡ ba la ɡe ɛɛ serewoo, ásɛ ba paa ba ta Jerusalam fɔɡbaahna. Nomɛlbwa aa lee do dɛ́ huɡe ba ne ba haahna ne bibaala dɛ bihaahna bwa. Mɛɛ ɡeloo ba dɔ ba nyubinikpeɡ baa ɛa la kembɔr kɛrɛdɛ.”

Ɛsekeɛl 37:1

Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Ɛsekeɛl 6:4

Wɛɛ paɡre kwaa haa dɛ ɛ saraha a ta ne kwaa haa dɛ fuh daawiile a ta bwaa, ásɛ dɛ kpoo nɛra la ba voɡare la sie.

Ɛsekeɛl 6:5

Wɛɛ pa Israel tena baa serewa la lalaa bil ba voɡare sie, dɛ́ berɛ pa ba hoɡa bar kwaa baa dɛ ɛ saraha a ta la.

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.