Jeremia 7:2 - mzwDBL

² ó che Korowii Dea doonyoa dɛ́ bol waa nɔ, “Juda tena bwa, hé no waa Korowii aa dɛ bol, heyaa yon kpɔ doonyoa nɔ ta jo dɛ baa tomɛ Korowii.

Jeremia 7:2 Iomraidhean Croise

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Yela 122:2

Taraken Jerusalam, he doonyoonee ya che nɔ.

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Jeremia 10:1

Jeremia berɔ ŋɔ Israel tena be ŋɔ, bá cheɡ deŋne dɛ́ no waa Korowii aa dɛ bol ba be ŋɔ,

Jeremia 11:6

Anee Korowii ŋɔ n be ŋɔ, “Ka bol ɡɛ waa nɔ bwa Juda bwɛjena ta, ne Jerusalam fɔɡbaahna. Bol nɛra la ɡe be ŋɔ bá cheɡ deŋne dɛ́ no waa aa lɔ fɔo nɔ ta kɛrɛdɛ dɛ́ɛ teŋɛ a ta.

Jeremia 19:14

Belaa men Jeremia le Tɔfɛt bela Korowii aa tom mɛ n ka bol o waa la. Asɛ n ka che Korowii Dea dembaah bela dɛ ŋɔ nɛra la bwa be ŋɔ,

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Jeremia 2:4

Jekɔb naanar, hé no Korowii wa, Israel deene bwa, hé no.

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 28:5

Belaa men Jeremia che sɔfore ne nɛra baa lɔ Korowii Dea la sie dɛ bol Hanania be ŋɔ,

Jeremia 34:4

Jeremia ŋɔ, “Juda Kooro Sedekia, cheɡ deŋne no waa Korowii aa ŋɔa ń bol he be. ‘Baa hen laa ta kpoe ba.

Jeremia 36:10

Gemaria mɛɛ Safan waa ɛ koodem karake dea belaa Baruk che dɛ kure waa bwa maa bol o be o chwerɛ do tɔn bini la. O dea la lɔ nyunduabɔr dɛ bɛne Korowii Dea doonyoa bɛl baa dɛ yerɔ Doonyofale la bɔr.

Jeremia 36:6

anomanta, ir la bela awola tɔpere baa dɛɛ vɔwɛ nyoa la, ásɛ dɛ kure tɔn la bini waa maa ɡela he chwerɛ do tɔn bini la bwa baɡle ba. Kura baɡle Juda tena baa le ba bwɛɛre ta ba la bwa.

Jeremia 44:24

Belaa men Jeremia ŋɔ nɛra la ne haahna la bwa be ŋɔ, “He nɛra haa le Juda harɛ dɛ kaa Ijipt harɛ ta, hé no waa Korowii aa dɛ bol.

Jeremia 7:1

Korowii ŋɔ Jeremia be ŋɔ

Ɛsekeɛl 37:1

Korowii kpeɡri ba men Ɛsekeɛl nɛ, asɛ o Doma kpɔ mɛ le ka che fɛlembɔjen bɛl bini, dɛ hoɡa su o ta bwa.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Emɔs 7:16

Hé no waa Korowii aa dɛ bol he be. He ŋɔ, ‘Bɛ Korowii waa la bol, ɡel waa aa dɛ ba Israel tena nɛɛ bala la waa bola. Ásɛ dɛ ɡel waa bola dɛ́ yaɡɛ Aesek dea tena.’

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Matiu 13:9

Yeesu aa bol a ɡɛ waa nɔ tonɛ la, anee o ŋɔ, “Nomɛlbwa waa dɛ nyin dɛ́ no la, ó no.”

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

We-ɛɛla 5:20

“Hé la ka che Korowii Dea la bini dɛ́ ka bol Yeesu ŋwɛnɛfale nɔ waa bwa nɛra be.”

We-ɛɛla 5:42

Anomanta, tɔpere te bɛlbwaa baa bol Amanesoma la Korowii Dea la bini, ne nɛra deremi kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ o nɛra la.

Wepila 2:11

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, seo nɛɛte la aa won ɛo wobɛlbwa.”

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 2:29

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la.”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 3:13

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”

Wepila 3:22

Nomɛlbwa waa dɔ deŋne la, ó no waa Korowii Domadɛɛɡe la aa dɛ bol asɔre tena be la.”

Wepila 3:6

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la.”