Jeremia 7:10 - mzwDBL

¹⁰ Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Jeremia 7:10 Iomraidhean Croise

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

2 Webena 33:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ saŋ bɛlbwa la.

2 Webena 33:7

Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Aesaya 48:2

He dɛ́ maŋkura he te ŋɔ he le bwɛjen Jerusalam, dɛ ŋɔ he kpɔ he te dawɛ men Koranar Bwa Kooro, Israel tena aa dɛ tom mɛ la nɛ.

Jeremia 32:34

Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.

Jeremia 34:15

Dɛ ɛ tɔpera tamaa ane aa baa kaa, he charɛ he liire dɛ ɛ wa aa toɡra n sie, he bini bɛlbwa tɛ o dɔŋ waa ɛ yom ŋwɛnɛ o di o nyu. Hale dɛ fɔwɛ fɔo n sie, n Dea bonɔ haa dɛ tom mɛ.

Jeremia 44:9

He deno soh nyubinikpeɡ wa he naawa aa ɛa Juda bwɛɛre ne Jerusalam fɔɡbaahna, ne Juda koranar ne ba haahna, dɛ he ne he haahna ɡe la kɛɛ?

Jeremia 7:11

He dɛ lii kɛ n Dea maa ŋɔa baa tom mɛ o bini nɔ ɛ ŋwɛɛra sɔɔhbɔr kɛɛ? N na waa haa dɛ ɛ bwa.

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Ɛsekeɛl 23:29

Baa haeh nomanta, baa pa he komɛlbwa haa dɔa bwaa kaa, ásɛ he ka che mumɡbal, nɛra bwa nae kɛŋɔ hanjwamane. He pɛlchɔɡa ne jwamanee

Ɛsekeɛl 23:37

Ba bɔ jwamane dɛ kpoo nɛra ɡe ja. Ba le n habɔɔ dɛ kaa tomɛ voɡare, dɛ kpoo bii baa lol ba tɛ mɛ. Ba kpɔ ba ɛ saraha voɡare ta, dɛ fuuh ba.

Ɛsekeɛl 23:39

Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.

Ɛsekeɛl 33:25

Anomanta, ŋɔ men Nemenɛ Korowii ŋɔ, ‘Haa dɛ di ola ne a chale, dɛ tomɛ voɡa dɛɛ kpoo dɔŋa nɔ, a chɛ kɛ he dɔ harɛ nɔ o ɛ he kon aa?

Ɛsekeɛl 33:31

Gɛɛ ba yon dɛɛ ba he be saŋ bɛlbwa, dɛ́ ba so dɛɛ no waa haa dɛ bol, kɛ baa an kpɔe dɛɛ ɛ ɡɛ aa dɛ baɡle. Ba nyoo ɡboo ba kpɔ dɛɛ baɡle kɛŋɔ ba ɛ nɛndɛɛɡa, kɛ anɔ la baa dɔ ɡbo taa ba liire do.

Ɛsekeɛl 5:11

Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Hosia 6:9

Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Emɔs 4:5

Israel tena, hé kpɔ paanoo iisi aa lɔ a ta ɛ saraha ba jam mɛ, dɛɛ baɡle he te saraha aa le he bambile la ta, dɛkalkɛ anee hɛɛ nyin ɛɛ kɛrɛdɛ. Men Nemenɛ Korowiirii bola.

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Jɔn Aa Chwera Tɔn 18:28

Tomun aa dɛ kpɔ la, Juu tena nomonome la kpɔ Yeesu la Kaefas be, dɛ ba o ne Rom nomoa waa dɛ nyiŋi ba harɛ ta la be koodem. Dɛ Galekaa Tɔpejen dii telo, anomanta, Juu tena nomonome la te ta dem bela joɛ, dɛkalkɛ dɛ ba jo bela aa, baa kah doŋaa baa wola won di Galekaa kondikwaa la.