Jeremia 51:3 - mzwDBL

³ He bɛ Babelɔn laa tena ŋwɛnɛ tɛ ba ta hɛma, kɛɛ dɛ́ kpɔ ba laa laala do. He bɛ ba bonɔɔna ɡel, hé kpoo laa tena la bwa kwaraa!

Jeremia 51:3 Iomraidhean Croise

Yela 137:9

Nɛra baa bá lawɛ he bechasɔɔhne, dɛ́ kpɔ ba cha bwea la, Korowii swee ba andɛɛɡa.

Jeremia 46:4

Hé kpɔ kwaa darawe jaɡre nɛ, dɛ́ teeh so a ta. Bɛlbwa ka che o chebɔr, dɛ́ kpɔ o ɡbɛrɛ pi. Hé sar he lampeare nyoo dɛ́ kpɔ he laa laala do.

Jeremia 50:14

Nɛra haa jemɛ hɛma tae bwa, hé kpɔ he te dɛ́ ka bar bwɛjen Babelɔn cheme. Hé ta nɛra baa lɔ o bini hɛma, he bɛ ɡel ane ka, dɛkalkɛ ba ɛ wechɔɡa dɛ jo men Korowii nɛ.

Jeremia 50:21

Hé ir dɛ́ yo Merataim ne Pɛkɔd tena. Hé ti ba, ásɛ dɛ kpoo ba, dɛ́ chɔɡ ba kwaraa. Hé ɛ ɡɛ maa do heyaa bwa. Men Korowiirii bola.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 51:53

Hale Babelɔn wono kaa nyundua, o dekpeɡa kaa nyundua kwaraa naa, mɛɛ ɡeloo nɛra ba chɔɡo. Men Korowiirii bola.”

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Mmarare 32:25

Laa ɛɛ chole he nɛɛ he serewe fɔɡbaahna, ɔmee kohona chole he deremi. Toli ne bonɔɔna serewe, hale bechale ba taa dɛ ɔr ne banjeni kwara aa kae ba.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.