Jeremia 5:5 - mzwDBL

⁵ Anomanta, mɛɛ la nomonjena bee n ne bá ka bol. Ba te jemɛ Korowii baa dɛ tomɔ la waa bwa kɛrɛdɛ.” Kɛ ba bwa pɛ nyoa dɛ vɛh Korowii waa la ta teŋa.

Jeremia 5:5 Iomraidhean Croise

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Kaala 32:25

Mosis nao kɛŋɔ Arɔn ɡelɔ nɛra la kpaŋe baa wola won toɡ ba ásɛ ba dɔma mam ba.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Ɛsekeɛl 11:2

Ate, Korowii ŋɔ n be ŋɔ, “Nɛwɛnyini bie, baala nɔɔ dɔ liichɔɡa dɛɛ do nɛra baa ɛ wechɔɡa bwɛjen nɔ ta la.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Amanesoma Luk Aa Chwera Tɔn 18:24

Yeesu nyiŋu dɛ na kɛŋɔ o tea bini chɔɡɔ, asɛ o ŋɔ, “A kpeɡri kɛŋɔ dɔɔh dɔ bɔr ja Korowii Kora la ta.

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’