Jeremia 5:1 - mzwDBL

¹ Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Jeremia 5:1 Iomraidhean Croise

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Yela 12:1

N Naa Korowii, lɛ yaa! Nɛra ba wa aa toɡra toole kpa, kasinteŋ diile tonɛ nɛra bini.

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Yela 14:3

Nomɛlbwa berɛ habɔɔ kpoo, nɛndɛɛɡe bɛlbwa toole ba bini, bɛlbwa toole dɛɛ ɛ wedɛɛɡa, nɛmbeŋkpoŋ kwaraa toole.

Yela 94:16

Umee dɛ́ che n habɔɔ, dɛ́ lɛɛ mɛ le nyubinikpeɡ tena nɔn ta nɔ? Umee dɛ́ che tɛ mɛ dɛ́ lɛɛ mɛ le wechɔɡ-ɛɛra nɔ be nɔ?

Sɛɡla 20:6

Nɛra ɡalɡa dɛ bol ŋɔ ba dɔ nyina saŋ bɛlbwa, kɛ umee dɛ́ won jemɛ nɛn o wa aa dɔ kasinteŋ ɔ?

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Sɛɡla 8:3

O cheɡɛ bwɛjen doonyoo, bela baa kpɔa dɛɛ jo o bini, o lɔ bela dɛɛ yerɛ.

Yelsom 3:2

Mɛɛ iruu dɛ́ ɡaaɡe bwɛjen la bini, o fɔɡbaahna ne bela nɛra aa dɛ so. Mɛɛ ka ɡaaɡoo nyin nɛn n bambile aa lawa. N ɡaaɡɔ n ta on nae.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 2:29

Ɛrɛɛ hɛɛ naɡre n waɔ? He bwa ɛɛ mɛ deŋnekpeɡ. Men Korowiirii bola.

Jeremia 44:15

Belaa baala baa jema kɛ ba haahna dɛ fuh konsɔɔhsoma voɡare ane ta, ne haahna baa cheɡɛ bela bwa, dɛ Israel tena baa wara dɛ so Ijipt weekaŋle harɛbɔr ŋɔ men Jeremia be ŋɔ,

Jeremia 8:6

N cheɡ deŋne dɛɛ no ba be, kɛ baa kasinteŋ bol. Nomɛlbwa aa lii kɛŋɔ wɛɛ charɛ o liiree dɛ́ bɔɔ ŋɔ, ‘Bɔkwa waa n ɛɔ?’ Bɛlbwa ne o ŋwɛnɛ waa dɛ kpɔ o taa kɛŋɔ jaaɡɔ o sie aa beɡra baa kaa o ne laa ta ken.

Jeremia 9:2

N dɛ nyin kɛ n fe aa dɔ bobɛl ka so pua hɛŋle ɡbo harɛ ta, dɛ́ le bela n nɛra aa lole. Ba bwa waa ta kasinteŋ dɔe, dɛ ɛ nɛnchɔɡa ɡbosoroo.

Jeremia 9:7

Anomanta, Koranar Bwa Kooro ŋɔ, “Mɛɛ do n nɛra nii taa, dɛ́ daah ba na kɛŋɔ ba yon kpɔ buni do nii ta la ken. Bɔkwaa mɛɛ ba ɛɛ n nɛra wechɔɡa waa jaɔ?

Ɛsekeɛl 22:30

N nyiŋo kɛŋɔ mɛɛ na nomɛl ba binii ó ba ma Jerusalam danjwɛɛ la bela waa kua la, dɛ́ che ba naa ta, dɛ́ lɛ bwɛɛ la ta, ásɛ n fee ɡel o chɔɡa, kɛ n ta nomɛlbwa nae.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Daneɛl 12:4

Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Joel 2:9

A iro kpɔ bwɛjen la danjwɛɛre ta dɛ ka jo deene bini, kɛŋɔ ŋwɛɛra yon kpɔ tokorore ta dɛɛ jo deene bini la.

Emɔs 8:12

Nɛra ɛɛ ɡaaɡoo le weekaŋle nyunduabɔr, dɛ́ ba kaa weekaŋle harɛbɔr, ne wee leebɔr dɛ́ ba kaa wee cholibɔr, dɛɛ nyin Korowii waa la dɛ́ no, kɛ baa dɔ no.

Sekaria 2:4

dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta.

Amanesoma Luk Aa Chwera Tɔn 14:21

Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.