Jeremia 49:3 - mzwDBL

³ Hɛsbɔn tena, hé do lɔŋɔre bwɛjen Ai chɔɡa wa. Nɛra haa lɔ bwɛjen Raba, hé ɡe wi! Hé kpɔ lweyale tɔ dɛɛ wi, dɛɛ chwa bobɛlbwa yalayala ken, dɛkalkɛ baa kpɔ he voɡ Molɛk ne o kerekpoŋra, dɛ nomonome bwaa kaa bojaŋ harɛfale ta.

Jeremia 49:3 Iomraidhean Croise

2 Samoɛl 11:1

Lɔmɔɡa saŋ koranar yon dɛɛ la laa la, Kooro Devid tomɛ Joab ne o laa nomonome dɛ Israel laa tena bwa. Ba kaa yo Amɔn tena dɛ pɔ ba nɛ, dɛ ka bar bwɛjen Raba ɡe cheme dɛ chɔɡ o bwa o berɛ dimɡbia, kɛ Kooro Devid te soɡe Jerusalam.

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

1 Koranar 11:5

Kooro Solomɔn kaa teŋɛ Sidon voɡhaah Astɔrɛt dɛ Amɔn tena voɡ Molɛk aa ɛ kii kwaa la nɛ.

2 Koranar 23:13

Kooro Josia chɔɡ saraha kwaa Kooro Solomɔn aa maa cheɡ Jerusalam wee leebɔr, ne Ɔlevere Bwejen weekaŋle harɛbɔr baa tomɛ voɡhaah Astɔrɛt, Sidon tena aa dɛ tomɛ, dɛ Moab tena voɡ Kemɔs, dɛ Amɔn tena voɡ Molɛk a bwa aa ɛ kii kwaa la.

Ɛsra 2:28

Baala baa le Bɛtel ne Ai lɔ lafraanɛ fifraanɛ dɛ batoro.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Aesaya 16:7

Moab tena ɛɛ wi ba harɛ waa, ba bwa ɛɛ wiu. Ba bwa ɛɛ lii konsoma ba fa aa dɛ di bwɛjen Kir Haresɛt la waa, dɛ́ pɛ dɛɛ wi.

Aesaya 23:1

Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Aesaya 23:6

He nɛra haa soɡe mpo nyoa la, hé wi dɛ́ ir kaa Taases.

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Jeremia 48:2

Moab harɛ nyanyini tonɔ. Dɔma baa yo Hɛsbɔn tena dɛ pɔ ba nɛ, dɛɛ vɔrɔwe kɛ bá ba chɔɡ Moab harɛ. Nɛra haa lɔ bwɛɛ baa dɛ yerɔ Madmen ɡe bwa hel, dɛkalkɛ laa tena ɛɛ ba yoo baa.

Jeremia 48:20

Sihiih kpo Moab tena, dɛkalkɛ ba harɛ la bwa chɔɡɔ. Hé wi dɛɛ do lɔŋɔre. Hé ɡel Aanɔn Moo nyoa tena no kɛŋɔ ba chɔɡ Moab.

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Jeremia 48:7

Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Jeremia 49:1

Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Jeremia 51:8

Babelɔn ɛɛ piɡru paɡre dɛ́ chɔɡ. Hé wi dɛɛ tɛ o nɛra! Hé nyin noo aa ɛ tɛɛɡa do ba ŋwɛra ta, a ken ɛɛ ɡeloo bá dɔ bokpeɡa.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Emɔs 1:15

Baa lawɛ Raba kooro ne o nomonome laa taa kaa bojaŋ harɛfale ta. Men Korowiirii bola.”

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Josua 8:1

Korowii berɔ ŋɔ Josua be ŋɔ, “Dɛɛ berɛ ɔma, bɛ ɡel he bwara yɔr. Kpɔ he laa tena bwa dɛ́ ka pu Ai tena yo. N kpɔ ba kooro ne o nɛra ne bwɛjen la dɛ harɛ la bwa do he nɔn ta.

Josua 8:28

Josua ɡelɔ ba fuh bwɛjen Ai o berɛ dimɡbia, o chɔ ɡɛ ba le fini.