Jeremia 48:8 - mzwDBL

⁸ Bwɛɛ bɛlbwa aa kae ba dɛ́ le chɔɡa la nyoa, fɛlembɔjena ne deŋɡarere a dor aa chɔa kaa bwa ɛɛ chɔɡoo. Men Korowiirii bola.

Jeremia 48:8 Iomraidhean Croise

Jeremia 15:8

Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Ɛsekeɛl 25:9

mɛɛ ɡeloo nɛra ba yo bwɛjena aa lɔ Moab jwɛh ta dɛ lɛo dɛɛ ta la. Bwɛdɛɛɡa ane kɛŋɔ Bɛt Jɛsemɔt ne Baal Meɔn dɛ Kiriataim bwa jao.

Josua 13:17

ne Hɛsbɔn ne bwɛjena bwa aa lɔ harɛpɛɛ waa chɔa kaa la ta, Debɔn ne Bamɔt Baal dɛ Bɛt Baal Meɔn,

Josua 13:21

ne bwɛjena aa lɔ harɛpɛɛ waa chɔa kaa la ta bwa, ne Amɔre Kooro Sihon o fa aa di kora bwɛjen Hɛsbɔn ka la harɛre bwa. Mosis yo Kooro Sihon ne Midian koranar bane baa dɛ yer ba Evi ne Rekem ne Sor ne Hur dɛ Reba dɛ pɔ ba nɛ. Dɛ Midian koranar la bwa ɛ koojeɡre dɛ do Kooro Sihon lɔɡa ba ne o nyoa pɛ harɛ la ta.

Josua 13:9

Harɛ la chɔɔ ka le Arowa, o lɔ Aanɔn Fɛlembɔjen la nyoa ne bwɛjen bɛl waa lɔ fɛlembɔjen la bini dɛ kpɔ harɛpɛɛ bɛl waa chɔa le Medeba dɛ kaa Debɔn.