Jeremia 48:3 - mzwDBL

³ Lɔŋɔre dɛ le Horonaim, sibeɡra ne bwɛɛ chɔɡa wii.

Jeremia 48:3 Iomraidhean Croise

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Aesaya 15:8

Moab harɛ jwɛhre bobɛlbwaa baa wi, ba wii tel bela bwɛɛre Eɡlaim ne Beɛ Elim.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Jeremia 20:16

Kórowii ɛ naate ó do kɛ bwɛjena waa chɔɡa, o ta ba nɛɛ sune la ken. Ó ɡel naate ɛɛ no wii ɡbɔɡa chɔɔ, dɛɛ no laa lɔŋɔre ɡe webaŋa,

Jeremia 47:2

O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 48:34

Hɛsbɔn ne Eleale tena lɔŋɔre dɛ le, hale aa tel Jahas tena be. A tel Soar tena be, dɛ kpoŋe kaa Horonaim ne Eɡlat Sɛleseya. Hale neerare aa lɔ Nimrim nenabɔɔ bwa hweehrɔ.

Jeremia 48:4

Ba chɔɡ Moab harɛ bwa, hɛ́ɛ no bechale wii.

Jeremia 48:5

Hɛ́ɛ no ba wii ɡbɔɡa Luhit ŋwɛnɛ ta, suna wii baa dɛ wi Horonaim ŋwɛnɛ ta.

Jeremia 51:54

Korowii berɔ ŋɔ, “Hé no lɔŋɔre aa dɛ le Babelɔn harɛ, o nɛra dɛ wi harɛ la chɔɡa wa.