Jeremia 47:3 - mzwDBL

³ Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.

Jeremia 47:3 Iomraidhean Croise

Aesaya 5:28

Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Ɛsekeɛl 23:24

Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Neehum 2:4

Laa tena kpɔ torɔɡore baa vɔwa pɛl jaɡre dɛɛ che a bini la chwa jo fɔɡbaahna, dɛ la dɛɛ ba fɔɡbaah bɛlbwa ta. Ba do kɛ baa choŋi kapɛle ken, dɛ teŋe wɔrɔbe nɛɛ baa kaa, kɛŋɔ bwaala aa dɛ nyɛɡle ken.

Neehum 2:8

Nɛra le Niniwe dɛɛ kaa kɛŋɔ nee aa pala le tam ta ken. Ba bala dɛ yer ba ŋɔ, “Hé ɡel! Hé ɡel!” Kɛ nomɛlbwa aa habɔɔ berɛ.

Wepila 9:9

Kwaa tɔ a bambili kɛŋɔ laa batakaare bune aa dɛ bɔle bambile la, asɛ a kena ɛɛ ɡbɔɡre kɛŋɔ torɔɡore aa wara ba vɔwa pɛl jaɡre dɛ chwa dɛɛ kaa laa la.

Sitɔɔla 5:22

Belaa Sisera jaɡre chwa dɛ baa kaa a nakpale ɛɛ si harɛ, a dɛ jah a nakpale ɛɛ si harɛ kip kip kip.