Jeremia 47:2 - mzwDBL

² O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 47:2 Iomraidhean Croise

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Yela 50:12

Dɛ lɔr dɛ kpo mɛ naa, maa he bee bol, dɛkalkɛŋɔ harɛ nɔ ne kwaa aa lɔ o ta bwa ɛ n kwa.

Yela 96:11

Kwaa aa lɔ nyundua ne harɛ bwa, hé ɡel he sie lɛ kɛŋɔ nɛra aa dɛ lɛ ba sie. Mpo ne kwaa aa lɔ o bini bwa ɡe, hé do lɔŋɔre.

Yela 98:7

Mpo ne kwaa aa lɔ o ta bwa ɡe moo, harɛ nɔ ta nɛra ne koŋkwaa bwa ɡo yela kpɛɛro.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 15:8

Moab harɛ jwɛhre bobɛlbwaa baa wi, ba wii tel bela bwɛɛre Eɡlaim ne Beɛ Elim.

Aesaya 22:1

Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Jeremia 1:14

Korowii berɔ ŋɔ n be ŋɔ, “Wenaale ɛɛ le weekaŋle nyunduabɔree dɛ́ ba nɛra baa lɔ Juda harɛ ta nɛ.

Jeremia 46:12

Harɛre nɛra bwa ɛɛ no he sihiih haa dia waa, bɛlbwa no he wii haa dɛ wi bobɛlbwa. Laa tena ɛɛ lɔ naa dɛ́ laa dɔŋa, dɛ́ bwa choɡli.”

Jeremia 46:13

Babelɔn Kooro Nebukadnesa aa baa yo Ijipt harɛ tena la, Korowii bol waa men Jeremia be ŋɔ,

Jeremia 46:20

Ijipt harɛ do kɛŋɔ nanee waa wera ken, kɛ o dɔm ɛɛ le weekaŋle nyunduabɔree, dɛ́ ba yoo kɛŋɔ batatom aa dɛ domɛ nao ken.

Jeremia 46:24

Sihiih kpo Ijipt tena, ba dɔma le weekaŋle nyunduabɔr ba yoo ba dɛ pɔ ba nɛ.”

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Jeremia 6:22

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Daneɛl 11:22

Nomɛlbwa waa tɔŋlo la, hale dɛ Sɔfonomoa Korowii aa leo yoo, wɛɛ chɔɡoo.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

1 Kɔrent 10:26

dɛkalkɛŋɔ “Korowiirii dɔ harɛ ne komɛlbwa aa lɔ o ta.”

1 Kɔrent 10:28

Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.

Wepila 17:1

Belaa nyundua toroma banuanɛ baa kpoŋe loɡa anuanɛ la bɛl ŋɔ n be ŋɔ, “Ba ń baɡle ɡɛ Korowii aa dɛ ba jwamane te tenten la deŋne tɛra. O soɡe neerare nyoo.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.