Jeremia 41:2 - mzwDBL

² belaa Ismael ne baala fi baa jaa la ir kpɔ keri dɛ kpo Gedalia, dɛ onee Babelɔn kooro le ŋɔ wɛɛ nyiŋi harɛ la ta.

Jeremia 41:2 Iomraidhean Croise

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Koranar 25:25

Korobie anuanɛ ta la, Nɛtanea bibaa Ismael, waa ɛ koobie, iro dɛ lawɛ baala fi ja o nɛɛ ba la Gedalia be Mispa, dɛ ka kpoo o ne Juda ne Babelɔn tena baa lɔ bela. Ismael nabaa sɔne Elisama.

Yela 109:5

Ba kpɔ wechɔɡa dɛɛ bɔ mɛ wedɛɛɡa kem, dɛ kpɔ haeh bɔ mɛ nyina kem.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Jeremia 40:14

dɛ ba ŋɔ o be ŋɔ, “Haa jemɛ kɛŋɔ Amɔn Kooro Baalis tomɛ Nɛtanea bibaa Ismael ŋɔ ó ba kpoe naa?” Kɛ Gedalia ta waa la yaradae.

Jeremia 40:16

Anee Gedalia chaŋe Johanan ŋɔ, “Bɛ ɡɛ waa nɔ ɛ! Ismael waa haa bola nɔ ta kasinteŋ ɛɛ!”

Jeremia 40:5

Mɔɔ men Jeremia aa berɛ n te ŋɔ ń kaa la, Nebusaradan berɛ ŋɔ, “Berɛ kaa Ahikam bibaa Gedalia o nabaa aa ɛ Safan be. Babelɔn kooro leo dɛ kpɔ Juda bwɛɛre do o nɔn ta wɛɛ nyiŋi a ta, ásɛ he ne ó ka so nɛra la bini, kɛɛ dɛ bobɛlbwa ɡee hɛɛ nyin aa, hɛɛ won ka so.” Asɛ Nebusaradan kpɔ kondikwaa ne koŋkɛɛla ane tɛ mɛ n kpɔ kaa.

Jeremia 40:7

Juda laa nomonome la bwa ne ba laa tena baa peɡra dɛ do kpɔɡ bini la noɔ kɛŋɔ Babelɔn kooro le Ahikam bibaa Gedalia ɛ ba harɛ nomoa, wɛɛ nyiŋi bela harɛ la ta. O kpɔ baala ne haahna dɛ bechale baa nyaa, baa wola ba te lawɛ kaa bojaŋ harɛfale ta Babelɔn la,

Jeremia 40:8

ba bwa iro la Gedalia be Mispa. Banee Nɛtanea bibaa Ismael, ne Karea bibaala Johanan ne Jonatan, ne Tanhumet bibaa Seraya, ne Efai bibaala baa le Nɛtɔfa, ne Jaasania waa ɛ Maaka te, dɛ baala baa ja ba nɛɛ bwa.

Jeremia 41:3

Ismael berɔ kpoo Juu tena baa ja Gedalia nɛɛ Mispa, dɛ Babelɔn laa tena baa lɔ bela bwa.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’