Jeremia 41:1 - mzwDBL

¹ Korobie anuanɛ ta la, Nɛtanea bibaa Ismael, waa ɛ koobie, dɛ berɛ ɛ kooro nomonome la bini bɛl la, o iro dɛ lawɛ baala fi ja o nɛɛ ba la Ahikam bibaa Gedalia be Mispa. Ismael nabaa sɔne Elisama. Kondikwaa dii saŋ aa tela, ba bwa pɛ so dɛɛ di kwaa la,

Jeremia 41:1 Iomraidhean Croise

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Koranar 11:1

Kooro Ahasia nya baa dɛ yerɔ Atalia aa naa kɛ o bibaa Kooro Ahasia sewɔ la, o ŋɔ bá kpoo koobii baa ba di kora la bwa.

2 Koranar 25:22

Babelɔn Kooro Nebukadnesa le Ahikam bibaa Gedalia ŋɔ wɛɛ nyiŋi nɛra baa ka Juda harɛ la nɛ. Ahikam ɡe mɛɛ Safan.

2 Koranar 25:25

Korobie anuanɛ ta la, Nɛtanea bibaa Ismael, waa ɛ koobie, iro dɛ lawɛ baala fi ja o nɛɛ ba la Gedalia be Mispa, dɛ ka kpoo o ne Juda ne Babelɔn tena baa lɔ bela. Ismael nabaa sɔne Elisama.

2 Webena 22:10

Kooro Ahasia nya Atalia aa naa kɛ o bibaa Kooro Ahasia sewɔ la, o ŋɔ ba kpoo koobii baa ba di kora Juda harɛ ta bwa.

Yela 109:5

Ba kpɔ wechɔɡa dɛɛ bɔ mɛ wedɛɛɡa kem, dɛ kpɔ haeh bɔ mɛ nyina kem.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Jeremia 36:12

ate o ir la koodem karake la dea bela, dɛ nomonome la bwa soɡo. Banee koodem karake Elisama, ne Sɛmaya bibaa Delaya, ne Akbɔ bibaa Ɛl Netan, ne Safan bibaa Gemaria, ne Hanania bibaa Sedekia, dɛ nomonome baa kaa bwa.

Jeremia 36:20

Nomonome la kpɔ tɔn la ka bil koodem karake Elisama dea, asɛ dɛ la kooro be o dembaah dɛ ka bol wobɛlbwa baɡlo.

Jeremia 39:14

tomɛ nɛra ŋɔ bá ka kpɔ mɛ le koodem dembaah bela ba. Ba kpɔ mɛ do Ahikam bibaa Gedalia, o ɡe mɛɛ aa ɛ Safan la nɔn ta, ŋɔ ó nyiŋi n nɛɛ kɛrɛdɛ dɛ́ tel n ne n bwɛ. Gɛɛ a do n berɛ ka so n nɛra bini.

Jeremia 40:13

Karea bibaa Johanan ne laa nomonome baa peɡra ka do kpɔɡ bini la bwa ba Gedalia be Mispa,

Jeremia 40:5

Mɔɔ men Jeremia aa berɛ n te ŋɔ ń kaa la, Nebusaradan berɛ ŋɔ, “Berɛ kaa Ahikam bibaa Gedalia o nabaa aa ɛ Safan be. Babelɔn kooro leo dɛ kpɔ Juda bwɛɛre do o nɔn ta wɛɛ nyiŋi a ta, ásɛ he ne ó ka so nɛra la bini, kɛɛ dɛ bobɛlbwa ɡee hɛɛ nyin aa, hɛɛ won ka so.” Asɛ Nebusaradan kpɔ kondikwaa ne koŋkɛɛla ane tɛ mɛ n kpɔ kaa.

Jeremia 40:6

Anomanta, n la Ahikam bibaa Gedalia be Mispa n ne nɛra baa ka harɛ la ta la ka so.

Jeremia 40:7

Juda laa nomonome la bwa ne ba laa tena baa peɡra dɛ do kpɔɡ bini la noɔ kɛŋɔ Babelɔn kooro le Ahikam bibaa Gedalia ɛ ba harɛ nomoa, wɛɛ nyiŋi bela harɛ la ta. O kpɔ baala ne haahna dɛ bechale baa nyaa, baa wola ba te lawɛ kaa bojaŋ harɛfale ta Babelɔn la,

Jeremia 40:8

ba bwa iro la Gedalia be Mispa. Banee Nɛtanea bibaa Ismael, ne Karea bibaala Johanan ne Jonatan, ne Tanhumet bibaa Seraya, ne Efai bibaala baa le Nɛtɔfa, ne Jaasania waa ɛ Maaka te, dɛ baala baa ja ba nɛɛ bwa.

Ɛsekeɛl 17:13

O lawɛ koodem nɛra la bɛl o ne o fɔwɛ fɔo, asɛ Babelɔn kooro ŋwɛɛ baɡlo, dɛ berɛ lawɛ nomonome baa chɔ harɛ la nyoa ɡe ja kaa,

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’