Jeremia 40:3 - mzwDBL

³ asɛ taraken dɛ ɛ ɡɛ waa bola la. A ɡɛ waa nɔ bwa balɔ, dɛkalkɛ he ɛ nɛra wechɔɡa dɛ jo Korowii nɛ, dɛ vɛh o waa ta teŋa.

Jeremia 40:3 Iomraidhean Croise

Nehemia 9:28

Deŋnesɔɔhna aa bala la, ba berɔ ɛ wechɔɡa ja, asɛ he ɡel ba dɔma ba yoo ba dɛ pɔ ba nɛɛ ja. Kɛ baa charɛ ba liire dɛ wi noe ŋɔ hé lɛɛ ba la, he dɔ tedoma dɛ no le nyundua, dɛ teŋɛ no ba be, dɛ lɛɛ ba.

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Jeremia 11:17

Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”

Jeremia 22:8

A habɔɔ, harɛre nɛra ɛɛ teŋo baa kaa dɛ́ na bwɛjen nɔ, dɛɛ bɔɔ dɔŋa ŋɔ, ‘Bɔkwa waa Korowii ɛ bwɛjen nɔ ken?’

Jeremia 39:16

“Ir la ka ŋɔ Itiopia te Ɛbɛd Mɛlɛk be ŋɔ men Koranar Bwa Kooro, Israel tena aa dɛ tomɔ la ŋɔ, ‘N dɛ ba ɡela wekpeɡa maa ŋɔa mɛɛ kpɔɔ ba ta bwɛjen nɔ nɛra nɛɛ la ba, wedɛɛɡa te laa. A ɡɛ saŋ telo aa, hɛɛ naa siwi nee.

Jeremia 44:23

Haa ɛ sarahare dɛɛ tɛ voɡare, haa wola waa Korowii aa do heyaa a ta teŋɛ, dɛ ɛ wechɔɡa jo o nɛɛ la waa wekpeɡa nɔ ba he nɛɛ la.”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Mmarare 29:25

Waa la bwaa kɛŋɔ, ‘Korowii ba naawa aa dɛ tomɔ o le ba ne Ijipt harɛ ta ba la chɔɡ fɔo o ne baa fɔwa la.