Jeremia 4:9 - mzwDBL

⁹ Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Jeremia 4:9 Iomraidhean Croise

2 Koranar 25:4

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa chɔ danjwɛɛre anɛ baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

Yela 102:4

N do kɛŋɔ kpɔɡa aa hola dɛ kuuɡi chɔ la ken, n pɛla aa kondikwa bɛlbwa lawɛ.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 37:19

He keamere baa ŋɔa ŋɔ Babelɔn kooro aa he harɛ nɔɔ ba yo la bɔkwa waa puu baɔ?

Jeremia 48:41

Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 52:7

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa lɔ danjwɛɛre anɛ ane baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”