Jeremia 4:8 - mzwDBL

⁸ Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Jeremia 4:8 Iomraidhean Croise

Yela 78:49

O kpɔ o bandia kohona ba ta ba nɛ, dɛ ɡel ba waa do sum kohona, a do kɛŋɔ baa tomɛ toroma ŋɔ, bá ba kpoo ba ken.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 30:24

Korowii bandia waa do ɔma la nyoa aa won sɔɔh, atane o tonɛ o bambile bini wa. Tɔpera ane ta dɛ ba mɔɔ, ásɛ n nɛra won no waa nɔ mun.

Jeremia 48:20

Sihiih kpo Moab tena, dɛkalkɛ ba harɛ la bwa chɔɡɔ. Hé wi dɛɛ do lɔŋɔre. Hé ɡel Aanɔn Moo nyoa tena no kɛŋɔ ba chɔɡ Moab.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Ɛsekeɛl 30:2

“Nɛwɛnyini bie, bol waa men Nemenɛ Korowii aa ŋɔa a dɛ ba bala dɛ wi ŋɔ, ‘Tɔpere waa do ɔma kohona dɛ ba!

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Maeka 1:16

Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Nɛra Kura 25:4

Korowii ŋɔ Mosis be ŋɔ, “Kpoo ɡɛ Israel nomonome la webaŋa n siwi ta tɛ mɛ, ásɛ n baah bɛ ba nɛɛ di kohona kpa.”