Jeremia 4:7 - mzwDBL

⁷ Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 4:7 Iomraidhean Croise

2 Koranar 24:1

Kooro Jehoiakim kora dii saŋ, Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, asɛ Kooro Jehoiakim do o lɔɡa bene atoro dɛɛ tomɔ. Kɛ o berɔ le Kooro Nebukadnesa habɔɔ.

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 22:6

Gɛ Korowii aa dɛ bol laanee nɔ. “A lole kɛŋɔ Juda koodem wer kɛŋɔ Gelead harɛ ne Lɛbanɔn bwejena n be, kɛ kasinteŋ, mɛɛ ɛɔ kɛŋɔ pua hɛŋle ɡbo harɛ, kɛŋɔ bwɛɛre nɛra aa wola toole a ta ken.

Jeremia 22:7

Mɛɛ ɡeloo laa tena ba yoo, bɛlbwa kpoŋe o dɔmkwa. Baa teŋni o peleme daa aa wera laanee ta, dɛ́ paa do nii ta.

Jeremia 25:38

Korowii vɛh o nɛra kɛŋɔ nyujente yon chwa le o sɔɔhbɔr la ken. Harɛ la berɛ pua hɛŋle ɡbo harɛ, dɛkalkɛ Korowii cheɡɛ o bandia kohona ta ɡel ba dɔma ba chɔɡ ba harɛ.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 27:8

Kɛ dɛ harɛ bɛlbwa nɛra ta sɛɛh dɛ kpɔ ba te do o lɔɡa aa, mɛɛ ɡeloo bá kpoo ba laa ta, kɛɛ dɛ́ kpɔ lɔr ne weechɔɡa ba ta ba nɛ, á ɛ ba deŋnetɛra ka tel kɛŋɔ maa ɡela Kooro Nebukadnesa aa chɔɡ ba kwaraa.

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 4:29

Nɛra baa soɡe jaɡre ta, ne banɔ la baa kpoŋe tori ɡbɔɡa ɡelɔ nɛra bwa chwa kaa. Bane chwao ka sɔh kɔne bini, bane chwa ka teeh bwea. Bwɛɛre la bwa chɔ pɛɛ, nɛra toole a bini.

Jeremia 44:2

Koranar Bwa Kooro, Israel tena aa dɛ tomɔ la ŋɔ, “He ɡbabir na chɔɡa maa chɔɡ Jerusalam ne Juda bwɛjena la bwa. Hale a bwa berɛ dimɡbia, nomɛlbwa aa wola a ta soɡe,

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 50:44

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Babelɔn tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Ɛsekeɛl 12:20

Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.

Daneɛl 7:4

“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.