Jeremia 4:6 - mzwDBL

⁶ Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Jeremia 4:6 Iomraidhean Croise

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.

Jeremia 10:22

Hɛ́ɛ no! Waane dɛ ba, laa tena ɡbɔɡa le weekaŋle nyunduabɔr dɛɛ ba, dɛ́ ba chɔɡ Juda bwɛjena á berɛ dimɡbia, ásɛ kalampoŋare kpɔ bela berɛ a soŋnibɔra.”

Jeremia 18:11

Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 22:7

Mɛɛ ɡeloo laa tena ba yoo, bɛlbwa kpoŋe o dɔmkwa. Baa teŋni o peleme daa aa wera laanee ta, dɛ́ paa do nii ta.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 4:21

Saŋ besoo laa fraŋkaare, ne bɛle hoeh nɔ ɛɛ ba ɡela ɔ?”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 50:22

Laa ɡbɔɡa ɡboo su harɛ la ta bwa, chɔɡa tenten ɡbɔɡaa yaa no!

Jeremia 51:12

Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Jeremia 51:27

Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.

Jeremia 51:54

Korowii berɔ ŋɔ, “Hé no lɔŋɔre aa dɛ le Babelɔn harɛ, o nɛra dɛ wi harɛ la chɔɡa wa.

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Jeremia 6:22

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Ɛsekeɛl 9:1

A habɔɔ la, Korowii kpɔ takpeɡ ŋɔ men Ɛsekeɛl be ŋɔ, “Kpɔ nɛra baa dɛ daah bwɛjen nɔ ba bonɔ, bɛlbwa kpɔ o dɔmkon kpoŋe.”

Ɛsekeɛl 9:2

Belaa n na baala banumɛl ba le Korowii Dea doonyoa o sie aa chaɡɛ weekaŋle nyunduabɔr dɛɛ ba, bɛlbwa kpoŋe dɔmkon. Dɛ baa bɛl jao dɛ tɔ yapoŋ, asɛ kwaa waa kpɔa dɛɛ chwerɛ do o be. Ba bwa baa jo Dea la bini dɛ ba che saraha kon baa kpɔ ayaawa ɛo jwɛh.

Sefania 1:10

A ɡɛ tɔpere la, hɛɛ no wii le bwɛjen Jerusalam Pɛŋa Doonyoa bela, dɛ́ no wii le bwɛɛ la bwɛfala pera, ásɛ ɡbɔɡa kohona ɛɛ le deŋɡarere aa bɛne bwɛɛ la dor.

Sekaria 6:6

Kon baa vɔwa pɛl jaaɡɔbiŋere la sie chaɡɛ weekaŋle nyunduabɔr, Babelɔn harɛɛ a tɛɡre dɛɛ kaa. Onɔ la baa vɔwa pɛl jaaɡɔpoŋa la sie chaɡɛ wee cholibɔr, asɛ onɔ la baa vɔwa pɛl jaɡre a bwara aa lɛɡra la ɡe sie chaɡɛ weekaŋle harɛbɔr a bwa tɛɡre dɛɛ kaa.”