Jeremia 4:4 - mzwDBL

⁴ Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 4:4 Iomraidhean Croise

2 Webena 34:25

dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Aesaya 10:17

Korowii waa do kɛ kandea dɛɛ chaah Israel tena, wɛɛ berɛ niinii dɛɛ chɔɡ kwa. Korowii Waa Do Goroŋ Israel tena ɛɛ tomɔ la, ɛɛ berɛ ninlawee, dɛ́ fuh komɛlbwa tɔpebeŋkpoŋ, hale sɔɔhne ne jabalnadaŋɛ bwa.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 21:5

O ɡbabirii dɛ́ yo heya o bokpeɡa ne o bandia kohona bwa ne.

Jeremia 23:19

Hé na, Korowii bandia do kɛŋɔ peukpeɡ waa dɛ ta, kɛŋɔ kawulewule dɛ ta dɛɛ kpɔ nyubinikpeɡ tena nyubaahna.

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 9:25

Saŋ bɛl dɛ ba ń tɛr nɛra baa teŋe ba pena ɡbo, men Korowii wa aa wola toole ba bambile bini la deŋne.

Jeremia 9:26

Banee Ijipt ne Juda ne Edom ne Amɔn ne Moab tena, dɛ nɛra baa lɔ pua hɛŋle ɡbo harɛ ta, dɛ do bojaŋ harɛre ta la. Dɛkalkɛ a ɡɛ harɛre nɔ nɛra ne Israel tena ta n waa kpɔe do ba bambile bini.”

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

Ɛsekeɛl 18:31

Hé laa he te kpɔ wechɔɡa bɛlbwa ta, dɛ́ dɔ bambidɛɛɡe ne liifala dɛɛ teŋɛ n waa ta. Israel tena, ɛrɛɛ hɛɛ nyin kɛ he serewe nɔɔ?

Ɛsekeɛl 20:33

Men Nemenɛ Korowii, n ŋwɛɛrɔ kɛŋɔ n taa lole nɔ, mɛɛ che n kpeɡri taa dɛ́ ir nɔn tɛr he deŋne n bandia ne,

Ɛsekeɛl 21:17

N ɡe ɛɛ lɔ kpaŋaa, ásɛ n bandia la nyoa sɔɔh. Men Korowiirii bola.’ ”

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 24:8

N ɡelɔ chale la chɔ ɡɛ ba ta a ta tɔe, ásɛ n naa n baah di kohona, dɛ́ yoo ba bɔ kem.’

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

Ɛsekeɛl 6:12

Banɔ la baa lɔ bojaŋa la, weechɔɡaa dɛ́ kpoo ba, ásɛ banɔ la baa bɛna la serewe laa ta. Banɔ la baa kaa la, lɔr ɛɛ kpo ba ɡee ba serewe. Gɛɛ mɛɛ ba ɡela ba na n bandia kohona.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Lewi Dea Tena 26:41

dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa,

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Sefania 2:2

mɔɔ Tɔpere Korowii aa lea cheɡ o do ɔma, dɛ́ kpɔ heya kɛŋɔ peu aa taa dɛ́ kpɔ haahra kaa la tel, mɔɔ Korowii bandia saŋ la ba, ásɛ o bwaawee bɛ he nɛɛ ir kohona.

Tɔn Pɔɔl Aa Chwerɛ Rom Tena 2:25

He dɛ teŋɛ Mmara la ta naa, dɛ he pena teŋa nɔ dɔ mun. Kɛ dɛ haa Mmara la ta teŋaa, ate he fe ɡel he pena teŋa bɔ.

Mmarare 10:16

Anomanta, hé ɡel he tea to ásɛ dɛ bɛ deŋnekpeɡ ɛ kpa.

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Kolosi 2:11

He ne Yeesu Kristo aa pɛa la, o teŋe he dobene la ta. O ɡe penteŋaa la. He te teŋa nɔ ta ɡɛ nɛwɛnyini aa dɛ teŋe la ɛɛ.