Jeremia 4:3 - mzwDBL

³ Kenii Korowii bol Juda ne Jerusalam tena be, “Hé pwɛr he bambili kɛŋɔ paa yon buɡli harɛfale mɔɔ dɛ́ du kwaa la, dɛ bɛ kondwee kpɔ du sɔɔhne baah.

Jeremia 4:3 Iomraidhean Croise

Mumpar 3:18

Sɔɔhne ne jabalnadaŋɛree dɛɛ ba harɛ la ta lee tɛɛ. Ásɛ hɛɛ di kpɔɡ bini kondikwa.

Kaala 23:11

kɛ bennuanɛ ta te, hé ɡel harɛ la chɔ, he bɛ on parɛ. Anee dɛ́ ɡel nyaara baa lɔ he bini la ɡe dɔ anɔ la aa lee bela la di, ásɛ kpɔɡ bini ola ɡe dɔ a kar dɛ́ di. Hé ɛ ɡɛ tenten he daa kooni nɔna ne ɔleve daa nɔna bwa ta.

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 13:7

Mea la ane ɡe lee sɔɔhne baah, asɛ sɔɔhne la kpeɡ dɛ lawa, a ta wone ɛ.

Amanesoma Mak Aa Chwera Tɔn 4:7

Ane lee sɔɔhne baah dɛ le, asɛ sɔɔhne la kpeɡ dɛ lawa, a ta wone ɛ.

Amanesoma Luk Aa Chwera Tɔn 8:14

Asɛ anɔ la ɡe aa lee sɔɔhne baah, sɔɔhne la lawa a sewɛ la ɡee nɛra baa no Korowii Waa la, asɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ waa la ɛɛ dɔ tɔnɔ la.

Amanesoma Luk Aa Chwera Tɔn 8:7

Mea la ane lee sɔɔhne baah dɛ le, sɔɔhne la kpeɡ dɛ lawa a serewe.