Jeremia 4:16 - mzwDBL

¹⁶ Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 4:16 Iomraidhean Croise

Aesaya 34:1

Harɛre nɛra, hé suuh tel dɛ́ no! Hé cheɡ deŋne dɛ́ no! Hé ɡel harɛ ne kwaa bwa aa lɔ o ta no n wa!

Aesaya 39:3

Ate, Korowii keame Aesaya la ka bɔɔ Kooro Hɛsɛkea ŋɔ, “Leperaa ɡɛ nɛra nɔ leɔ? Dɛ́ ba amaneɛ ɔ?” Anee Kooro Hɛsɛkea ŋɔ, “Ba le bojaŋ harɛ bɛl baa dɛ yerɔ Babelɔn ta.”

Jeremia 1:15

N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 39:1

Waa aa cheɡɛ a ta Jerusalam paɡre laanee nɔ, Kooro Sedekia aa di kora Juda harɛ ta bene anuanaarɛ, korobie fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka chɔ bar ba, dɛ yoo ba.

Jeremia 4:17

Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 6:18

Anomanta, harɛre nɛra, hé no, ásɛ dɛ hweli waa aa dɛ ba n nɛra nɛɛ chiɡa.

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Jeremia 6:22

Hé nyiŋi na! Laa tena le weekaŋle nyunduabɔr dɛɛ ba, harɛ o nɛra aa kana kpɔ ba te le harɛ jaɡa dɛɛ ba ba yo laa.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Ɛsekeɛl 21:22

O kpoŋe hɛm o nɔndiɡ ta dɛɛ ba tae do Jerusalam. A dɛ chaɡle kɛŋɔ o dɛ ba dajaŋa kpɔe ba teɡli doonyojena la ta, dɛ do laa lɔŋɔ, dɛ kwi sɔɔhbɔra bɔɔne, dɛ ma kon baa che o ta dɛ́ jo bwɛɛ la ta dɛ́ kpoo ba.