Jeremia 4:1 - mzwDBL

¹ Korowii ŋɔ, “Israel tena, dɛ hɛɛ berɔɔ waa, hé berɛ ba n be. Dɛ hɛɛ laa voɡare maa kia laanee kpɔ n sie dɛ bɛ n habɔɔ le,

Jeremia 4:1 Iomraidhean Croise

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

2 Koranar 23:13

Kooro Josia chɔɡ saraha kwaa Kooro Solomɔn aa maa cheɡ Jerusalam wee leebɔr, ne Ɔlevere Bwejen weekaŋle harɛbɔr baa tomɛ voɡhaah Astɔrɛt, Sidon tena aa dɛ tomɛ, dɛ Moab tena voɡ Kemɔs, dɛ Amɔn tena voɡ Molɛk a bwa aa ɛ kii kwaa la.

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.

2 Webena 15:8

Kooro Asa aa no Korowii waa Ɔdɛd bibaa Korowii keame Asaria aa bola la, a tɛo kpeɡri bɛl. O le voɡa aa ɛ kii kwaa la bwa ne, Juda ne Bɛnjamen deene harɛre ta, ne anɔ la aa lɔ bwɛjena bwa waa yoa dɛ pɔ a nɛra nɛɛ Efrem deŋɡarere ta la. O berɔ kwaa kon baa dɛ ɛ saraha o ta o do Korowii Dea pato sie la.

2 Webena 33:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel ba doŋ ba le harɛ maa kpɔa tɛ ba naawa la ta.”

2 Webena 34:33

Kooro Josia ɡelɔ ba le voɡa Korowii aa kia bwa ne Israel harɛ bwa ta, asɛ dɛ ɡel nɛra baa soɡe bela bwa tomɛ Korowii. Waa soɡe le la, o ta ɡelɛ ba vɛh Korowii ba naawa fa aa tomɔ la toma bwa.

Aesaya 31:6

Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Jeremia 15:4

Mɛɛ ɡeloo harɛre nɛra bwa bambile teŋe ba wa, waa Juda Kooro Hɛsɛkea bibaa Manasɛ aa ɛa Jerusalam la wa.”

Jeremia 18:11

Anomanta, ŋɔ Juda tena ne nɛra baa lɔ Jerusalam be ŋɔ kenii men Korowii ɛɛ bol, ‘Hé na, n dɛ ba ń kpɔ wenaale ane ba ta he nɛ, dɛ́ɛ vɔrɔwe he vɔrɔwa ɡe. Anomanta, bɛlbwa charɛ o liire dɛ́ ɡel o ŋwɛnɛre ne o we-ɛɛla do wer.’

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 25:5

Ba yon ŋɔ, ‘Hé charɛ he liire le he wechɔɡa ne he we-ɛɛla aa wola were ta, ásɛ he won so harɛ Korowii aa kpɔa tɛ he ne he naawa la ta, saŋ bɛlbwa dɛɛ la.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 7:3

Hé charɛ he we-ɛɛla, ásɛ n ɡel he so bonɔ.

Jeremia 7:5

Hé charɛ he liire dɛ́ ɡel ɡɛ haa dɛ ɛ la. Hé ɡel he waa dɔ kasinteŋ tɛ dɔŋa.

Jeremia 7:7

Hé charɛ he liire aa, hɛɛ teŋɔɔ so harɛ nɔ maa kpɔa tɛ he naawa o ɛ ba kon saŋ bɛlbwa dɛɛ la la ta.

Ɛsekeɛl 11:18

Baa berɔ ba, dɛ́ ba laa voɡdoŋa maa kia bwa kpɔ le harɛ la ta.

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Ɛsekeɛl 43:9

Bá ɡel jwamane la, dɛ́ pa ba voɡare ne ba koranar voɡare mkpa aa wola toole a ta la ta, ásɛ n ba so ba baah ta saŋ bɛlbwa dɛɛ la.”

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Joel 2:12

Korowii ŋɔ, “A ta mun kae, hé charɛ he liire, dɛ́ kpɔ he bambile bwa tɛ mɛ, dɛ́ vɔwɛ nyoa dɛɛ wi kohona.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Mmarare 27:15

‘Nomɛlbwa waa sɛh komɛl chaa kɛɛ dɛ sɔh cheɡ voɡ dɛɛ tomɔ la, Kórowii taahno, dɛkalkɛŋɔ o kii.’ Ásɛ Israel tena la ɡe chaŋe ŋɔ, ‘Aamen!’

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”