Jeremia 39:5 - mzwDBL

⁵ Babelɔn laa tena la ti ba dɛ ka lawɛ Kooro Sedekia Jeriko harɛ bɛl waa chɔa kaa ta. Ba lawɔ ka tɛ Babelɔn Kooro Nebukadnesa, ɡɛ saŋ dɛ o lɔ bwɛjen Ribla waa lɔ Hamat harɛ ta. Belaa Babelɔn Kooro Nebukadnesa ka bol o waa dɛ pao bolchɔɡe.

Jeremia 39:5 Iomraidhean Croise

2 Koranar 23:33

Ijipt Kooro baa dɛ yerɔ Neko yo Kooro Jehoahas, dɛ lawɔ bwɛjen Ribla waa lɔ Hamat harɛ ta, dɛ vɔrɔwo jɔɡrɔre ne, asɛ o kora dii jaɡɛ bela. Dɛ ɛɡre Juda tena lɛ toɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne suuɡaswɛm a tɔɡre aa ɛ kilore fifraatoro dɛ anaarɛ.

Josua 5:10

Israel tena kaa baŋre ba tɛnte deene dɛ so Gelɡal, o bɛne bwɛjen Jeriko harɛ waa chɔa kaa ta. Dɛ ba dɔ Galekaa Tɔpejen dɛɛ ba dii korobie la tɔpera fi dɛ anaarɛ ta jɔmɔra.

Jeremia 38:23

Asɛ men Jeremia berɛ ŋɔ, “Baa lawɛ haahna ne ba bii bwaa ka tɛ Babelɔn tena. He ɡbabir ɡe aa a nyoa lee ba. Babelɔn kooro ɛɛ lawɛ hen kooro laa taa kaa bojaŋ harɛfale ta, ásɛ ba fuh bwɛjen nɔ bwa dɛɛboo ken.”

Jeremia 38:18

Kɛ dɛ he ta he te kpɔe ka do Babelɔn kooro nomonome lɔɡa aa, bwɛjen nɔ ɛɛ ka do Babelɔn tena nɔn taa ásɛ ba fuuh, he ɡbabir kwara aa he nyuu dɔ.’ ”

Josua 4:13

Nɛra dɛ ɛ kaɡboŋa fifraanaarɛ baa tela ne yoi kpɔ ba te, dɛ ɛɡɛ Jɔɔdan Moo la le harɛpɛɛ waa chɔa kaa dɛ bɛne bwɛjen Jeriko ta. Dɛ Korowii ja ba nɛ.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Jeremia 4:12

Peu waa kpeɡa kohona dɛ́ le Korowii be ba laanee. O dɛ́ ba ba waa bola dɛ́ pa bole name.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

2 Koranar 25:6

Ba lawɔ kaa bwɛjen Ribla ka tɛ Babelɔn Kooro Nebukadnesa o ka bol o waa dɛ pao bolchɔɡe.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

2 Samoɛl 8:9

Hamat Kooro Tou aa baa no kɛŋɔ Kooro Devid yo Kooro Hadadesa dɛ pɔ o ne o laa tena bwa nɛɛ la,

Sitɔɔla 3:3

Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

Josua 13:5

Dɛ a chɛ kɛ hé yo Gebal tena harɛ dɛ́ pɔ ba nɛ, dɛ́ teŋɛ kaa Lɛbanɔn harɛ bwa wee leebɔr, le Baal Gad waa lɔ Hɛmɔn Bwejen lɔɡa ŋwɛnɛ waa chɔa kaa Lebo Hamat.

Nɛra Kura 13:21

Ate, ba chiɡ ŋwɛnɛ ta dɛ ka sɔh nyiŋi harɛ la. Ba cheɡɛ Sin pua hɛŋle ɡbo harɛ ta, dɛ ka le Rehob waa lɔ Lebo Hamat ŋwɛnɛ ta.

Jeremia 21:7

A habɔɔ la, wɛɛ lawɛ Juda Kooro Sedekia ne o nomonome, ne nɛra baa kaa dɛ do bwɛjen nɔ bini dɛ dɔ ba nyu le weechɔɡa, ne laa kɛɛ lɔr la ta do Babelɔn Kooro Nebukadnesa ne ba dɔma baa dɛ nyin ba dɛ kpo la nɔn ta. Kooro Nebukadnesa aa bɛlbwa ɡela ba, waa bɛlbwa nɛɛ sune kɛɛ dɛ dɔ tedoma tɛo. Korowiirii bola.’ ”

Jeremia 24:8

Kɛ fiɡ nɔnchɔɡa baa wola won dia la te, men Korowii ŋɔ ɡɛɛ mɛɛ ba Juda Kooro Sedekia ne o nomonome, ne nɛra baa kaa dɛ do Jerusalam ɛɛ. Hale ba lɔ bonɔ harɛ nɔ ta, kɛɛ dɛ ka so Ijipt harɛ ta kwaraa noo.

Jeremia 44:30

Waa Korowii aa bera dɛɛ bol laanee kɛŋɔ, “N dɛ ba Ijipt Kooro Hofra lawa tɛ o dɔma baa dɛ nyinu dɛ kpo la, ɡɛ maa kpɔ Juda Kooro Sedekia do Babelɔn Kooro Nebukadnesa waa ɛ o dɔm dɛɛ nyinu dɛ́ kpo nɔn ta la.”

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Ɛsekeɛl 23:24

Baa kpɔ dɔmkwaa le weekaŋle nyunduabɔree, dɛ́ so torɔɡore baa vɔwa pɛl jaɡre, ne anɔ la aa dɔ tɔre baa taɡa kɛ torɔɡo warɛ kohona dɛ́ ba yo. Baa le bobɛlbwaa dɛ́ ba bare, dɛ́ kpɔ kwaa tɔ ba te ɡbemɡbe dɛ́ pi laa ɡbɛrɛre. Mɛɛ kpɔe do ba nɔn ta ásɛ ba tɛr he deŋne.

Habakuk 1:7

Ba waa dɔ ɔmee ne hundam, ba ɡbaɡba mmara taa baa teŋɛ, baa nomɛlbwa waa no.

Aesaya 22:3

He bwɛjen la nomonome bwa pɛo chwa, kɛ ba laɡ ba, dɛ ba ta ban hɛma tae. Hale ba dɔma aa lɔ bojaŋ ba chwa kaa kwaraa la, ba lawɛ ba bwa.