Jeremia 32:8 - mzwDBL

⁸ Belaa Hanamɛl ba n be dembaah bela, dɛ ba ŋɔ n be ŋɔ ń yawɛ harɛ la ɡɛ Korowii aa bola la. Anee ɡela n jemɛ kɛŋɔ Korowiirii bol waa n be kpela.

Jeremia 32:8 Iomraidhean Croise

1 Koranar 2:26

Kooro Solomɔn ŋɔ Sɔfo Abiata be ŋɔ, “Berɛ kaa he bwɛ, Anatɔt harɛ ta. He chɛ kpoe, kɛ maa hen kpo taraken, dɛkalkɛŋɔ ɡɛ saŋ n mɛɛ Devid aa ɛ kooro la, dɛ henee dɛɛ che Nemenɛ Korowii Ne Nɛwɛnyina Fɔo Daka la, dɛ berɛ na wahala n mɛɛ aa naa la ane.”

1 Koranar 22:25

Korowii keame Mikaya chaŋe ŋɔ, “Hɛɛ naa, awola haa ŋɔ he ka jo dea bini ka sɔh la.”

1 Webena 6:60

Bɛnjamen dea tena ɡe, ba kpɔ Gebeɔn ne Geba ne Alemɛt ne Anatɔt dɛ a kondɛɛra dibɔra bwa jaa ba. Bwɛɛre baa bɔna tɛ Kohat dea tena nɔ bwa lɔ fi dɛ atoro.

Jeremia 1:1

Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Jeremia 32:2

Dɛ Babelɔn kooro laa tena baa bar Jerusalam cheme ɡɛ saŋ, dɛ laɡ mɛ do dea, n do Juda tena koodem dembaah, bela nɛra baa dɛ daah kooro aa lole.

Jeremia 32:25

A lole kɛŋɔ a ka tama Babelɔn tena ba yo dɛ lawɛ yaa kaa. Kɛ ane a bwa, Nemenɛ Korowii, henee do mɛ ŋɔ ń yawɛ harɛ la nɛra baa di danseɛ la siwi ta.”

Jeremia 32:7

“He mɛɛ nime Hanamɛl waa ɛ Salum bibaa la ɛɛ ba he bee dɛ́ ba soŋe, hé yawɛ o koo waa lɔ Anatɔt Bɛnjamen harɛ ta. Dɛkalkɛ henee ɛ o lole tenten dɛ dɔ ŋwɛnɛ kɛ he yawɛ harɛ la.”

Jeremia 33:1

Baa lawɛ men Jeremia do dea n ta do dembaah bela baa dɛ daah la, Korowii berɔ bol waa n be nɛɛtena ja ŋɔ,

Jeremia 37:12

Ate, men Jeremia pa mun le bwɛjen Jerusalam ta dɛ́ kaa Bɛnjamen dea harɛ ta, dɛ́ ka lɛ n bɔr maa dɔ le n lolanar harɛ ta.

Ɛsekeɛl 12:7

Anomanta, n ɛ ɡɛ Korowii aa do mɛ la. Bɔr aa chaahna la, n do n bone dɛ kpɔ le kɛ nɛn baa lawɔ dɛɛ kaa harɛfale ta la. Bɔr aa dɛ jo la, n kpɔ nɔɔra forɛ bɔɔ danjwɛɛ la ɡe ta, dɛ kpɔ n bone dawɛ n vam ta nɛra la bwa siwi ta dɛ le kaa.

Sekaria 11:11

Fɔo la chɔɡɔ awola tɔpere, asɛ peera baa dɛ fiiɡa la ɛɛ nyiŋ mɛ, dɛ na kɛŋɔ Korowiirii bol ɡɛ waa maa ɛa la.

Amanesoma Jɔn Aa Chwera Tɔn 4:53

Belaa nomoa la lii kɛŋɔ a ɡɛ saŋ la tentenee Yeesu ŋɔ o be ŋɔ, “He bie la ɛɛ ɡbaŋroo” la. A taa a che o ne o dem tena bwa yarada Yeesu waa la, dɛ kpɔ ba te tɛo.