Jeremia 32:5 - mzwDBL

⁵ Baa lawɔɔ kaa Babelɔn, o do bela ka tel kɛŋɔ maa nyiŋi o waa bini tonɛ. Hale o yo Babelɔn tena kwaraa naa, aa on kɛrɛdɛɛ chiɡ. Men Korowiirii bola.”

Jeremia 32:5 Iomraidhean Croise

2 Webena 13:12

Korowii ja ya nɛ, onee ya sitɔɔ. O sɔfore ɛɛ hoh laa bɛlee yerɛ yaa yá ba yo heya. Israel tena, he bɛ Korowii he naawa aa tomɔ yo, haa won pɔ o nɛ.”

2 Webena 24:20

Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Jeremia 2:37

Hɛɛ ɡure nyuu su, dɛ́ kpɔ sihiih kaa, dɛkalkɛ Korowii vɛh nɛra haa kpɔ he te dawɛ ba nɛ, baa heyaa cha kpa.”

Jeremia 27:22

“Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 32:6

Korowii bol waa men Jeremia be ŋɔ,

Jeremia 33:5

Ba ne Babelɔn tena ɛɛ yo laalee, ásɛ ba deene su nɛra n baah aa dia n kpoo ba la. Nɛra baa lɔ bwɛjen nɔ ta wechɔɡa nomanta, n berɛ n habɔɔ kpo ba.

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Jeremia 39:4

Juda Kooro Sedekia ne o laa tena bwa aa na ɡɛ la, ba chwao le bwɛjen la bini dɛ kpɔ doonyoa bɛl waa lɔ danjwɛɛre anɛ ane baah ta le, dɛ kpɔ sie chaɡɛ kaa Jɔɔdan Fɛlembɔjen ta jwaana.

Jeremia 39:5

Babelɔn laa tena la ti ba dɛ ka lawɛ Kooro Sedekia Jeriko harɛ bɛl waa chɔa kaa ta. Ba lawɔ ka tɛ Babelɔn Kooro Nebukadnesa, ɡɛ saŋ dɛ o lɔ bwɛjen Ribla waa lɔ Hamat harɛ ta. Belaa Babelɔn Kooro Nebukadnesa ka bol o waa dɛ pao bolchɔɡe.

Jeremia 39:7

dɛ foromi Kooro Sedekia sibie dɛ doo ayaawa jɔɡrɔre, dɛ kpɔɔ kaa Babelɔn harɛ ta.

Wiile 1:14

O na n wechɔɡa bwa, dɛ boa a nyoa, dɛ vɔwa. O kpɔa vɔwɛ n baŋa a tɔɡre ɡel n ɡwɛɡre. O kpɔ mɛ do n dɔma ba kpeɡri aa ɡwaa mɛ nɔn ta.

Ɛsekeɛl 12:12

Kooro waa lɔ bela la ɛɛ kpɔ o bonee dawɛ vam ta jɔmɔra. Baa forɛ bɔɔ danjwɛɛ taa ó kpɔ o ta le kaa. Wɛɛ kpɔ konee tɔ sie dɛ bɛ harɛ na.

Ɛsekeɛl 12:13

Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela.

Ɛsekeɛl 17:15

Kɛ Juda kooro la ɛ deŋnekpeɡ dɛ ŋɔ waa won do Babelɔn kooro lɔɡa, asɛ o tomɛ toroma Ijipt harɛ ba ka kpɔ jaɡre ne laa tena baa wara ba. Aa won maɡre tɛo waa? Wɛɛ won le a nyoa aa? Wɛɛ won chɔɡ o ne o baah fɔo la waa wola deŋnetɛraa dɔ aa?

Nɛra Kura 14:41

Belaa Mosis ŋɔ ba be ŋɔ, “Ɛrɛɛ hɛɛ ɛ lwɛmkpeɡ dɛɛ vɛh Korowii waa ta teŋa nɔɔ? Ken te aa maɡre.