Jeremia 30:3 - mzwDBL

³ Tɔpera ane dɛ ba, ásɛ n lawɛ n nɛra Israel ne Juda tena le harɛfala ta, dɛ́ berɛ kpɔ ba ba harɛ maa kpɔa tɛ ba naawa ŋɔ ba konee la ta. Men Korowiirii bola.”

Jeremia 30:3 Iomraidhean Croise

Ɛsra 3:1

Korobie anuanɛ ta la, Israel tena bwa kaa so ba bwɛɛre ta. Asɛ ba bwa pɛ ka cheme Jerusalam,

Ɛsra 3:12

Kɛ sɔfore baa ɛ nomonome ne Lewi dea tena, dɛ nomonnyuune baa tɔ sie na loɡle Dea la aa cheɡa dɛɛ nyiŋi baa pa Dea la mun la, ba wio dɛɛ dooɡe lɔŋɔre kɛrɛdɛ, asɛ bane ɡe ɛɛ do silɛɛ lɔŋɔre.

Ɛsra 3:8

Anomanta, bennɛɛte korobinɛɛte ta nɛra la aa le bojaŋ harɛfale ta ba la, dɛ daa la tel bela baa dɛ ba Korowii Dea la doe Jerusalam, asɛ ba pa o mun. Ate, Sealteɛl bibaa Sɛrobabɛl ne Josadak bibaa Jesua, dɛ bwɛɛla la kar ne sɔfore ne Lewi dea tena la bwa kaa ja dɛɛ ɛ toma la. Ba le Lewi dea tena baa di bene fifraanɛ, kɛɛ dɛ ɡwaa la ba ɛ nomonome dɛɛ nyiŋi tom-ɛɛra baa dɛ ma Korowii Dea la nɛ.

Yela 126:4

N Naa Korowii, ɡel ya wobɛlbwa berɛ do wer tɛ yaa kɛŋɔ, bwaala yon nɛ do nenabɔɔne aa hola ta á suuɡi la ken.

Yela 53:6

N dɛ soŋe kɛŋɔ mkpa lɛɛ le Saayɔn, dɛ́ ba o nɛra Israel tena be. Dɛ Korowii berɔ ba lɛ o nɛra Israel tena ja aa, ba sie ɛɛ lɛo.

Jeremia 16:15

Kɛ baa berɔ ŋwɛɛ n sɔn taa ŋɔ men Korowii maa lole saŋ bɛlbwa laanee lawɛ Israel tena le weekaŋle nyunduabɔr harɛ ta, ne harɛre waa lɔ ba peɡre a ta la ta. Mɛɛ berɔ kpɔ ba ba harɛ ba ɡbaɡba aa le o ta, n kpɔ tɛ ba naawa la.”

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 27:11

Kɛ dɛ harɛ bɛlbwa nɛra kpɔ ba te ka do Babelɔn kooro lɔɡa dɛɛ tomɔ waa, ate mɛɛ ɡeloo ba so ba ɡbaɡba harɛ ta, dɛɛ parɛ o ta. Men Korowiirii bola.”

Jeremia 27:22

“Baa paa kaa Babelɔn harɛ ta, a do bela ka tel kɛŋɔ n liire aa berɛ ba a ta. Ásɛ n berɛ ɡel bá berɛ ba a ne, ásɛ n berɛ lɛa cheɡ bonɔ. Men Korowiirii bola.”

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 29:14

Kasinteŋ, hɛɛ na mɛɛ, ásɛ n lawɛ heyaa le Babelɔn harɛ haa kaa so o ta la ta, dɛ́ berɛ ba he ne he buɡ ta Jerusalam. Mɛɛ boa he nyoa le harɛre maa lɔ heyaa peɡre a ta la ta, dɛ́ berɛ ba he ne harɛ maa le he ne o ta kaa harɛfala ta la ta. Men Korowiirii bola.”

Jeremia 3:18

A ɡɛ saŋ la, Juda tena ɛɛ ba ja Israel tena nɛɛ, bá bwa le bojaŋ harɛ baa laɡ ba laa ta kaa weekaŋle nyunduabɔr ta, bá kaa harɛ maa kpɔa tɛ he naawa la ta, ó ɛ he kon.”

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 30:4

Waa Korowii aa bol n be, Israel ne Juda tena wa laanee nɔ.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Jeremia 31:23

Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Jeremia 31:27

“Men Korowii bolɔ ŋɔ, tɔpera ane dɛ ba ásɛ n ɡel nɛra ne kondɛɛra ba su Israel ne Juda harɛ bwa ta.

Jeremia 31:31

Korowii bolɔ ŋɔ, “Saŋ bɛl ɛɛ bao, ásɛ n ne Israel ne Juda tena bwa fɔwɛ fɔofale bɛl.

Jeremia 31:38

Tɔpera ane dɛ́ ba ásɛ ba berɛ kwaa ma bwɛjen Jerusalam n sɔn ta, dɛ́ le Hananɛl Dejaŋ wee cholibɔr, dɛ́ kaa Loŋkora Doonyoa la ta.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 32:44

Nɛra ɛɛ yawaa, ásɛ ba ɛ a tɔne dɛ́ ɛɡre nɔɔra dɛ́ lɛa do, ásɛ nɛra di a danseɛ. A ɡɛ waa nɔ, Bɛnjamen dea harɛ ne bwɛɛre aa bar Jerusalam ne Juda harɛ ta dɛ deŋɡarere harɛ bwɛɛre, ne Juda bwejena lɔɡre bwɛɛre bwa, dɛ́ kpoŋe kaa Nɛɡɛv waa ɛ pua hɛŋle ɡbo harɛ taa aa ba chiɡa. Mɛɛ laɡ baa ba ba harɛ ta. Men Korowiirii bola.’ ”

Jeremia 33:26

Gɛ maa ɛa nɔ nomanta, mɛɛ ɡeloo n ne Jekɔb naanar ne n bonɔɔ Devid fɔo yaa fɔwa la do le. Mɛɛ le Devid naanar la bini bɛlee ó ba nyiŋi Abraham ne Aesek dɛ Jekɔb naanar nɛ. Mɛɛ dɔ tedomaa tɛ n nɛra, dɛ́ ɡel ba wobɛlbwa berɛ do wer tɛɛ ba ja.”

Jeremia 51:60

Dɛ men Jeremia chwerɛ wenaale bwa aa dɛ ba Babelɔn harɛ ta bala do tɔn bini.

Ɛsekeɛl 20:42

Maa ba he ne Israel harɛ ta la, anee hɛɛ ba jema kɛŋɔ menee Korowii haa dɛ tom mɛ la, harɛ maa ir nɔn dɛ ŋwɛɛ ŋɔ mɛɛ kpɔɔ tɛ he naawa la.

Ɛsekeɛl 34:13

Mɛɛ lawaa le harɛre aa kaa a ta la taa, dɛ́ boa a nyoa. Mɛɛ le a ne harɛfala taa dɛ́ kpɔa ba a ɡbaɡba harɛ ta. Israel bwejena dor ne neerare nyoo aa sɔnaa dɛɛ ba a dibɔra ɛɛ.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Joel 3:1

Korowii ŋɔ, “Saŋ maa lea cheɡ la telo aa, mɛɛ ɡeloo Juda harɛ ne Jerusalam tena wobɛlbwa berɛ do wer tɛɛ ba.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Sefania 3:20

Saŋ bɛl dɛ ba ásɛ n boa he nɛra baa peɡra nyoa, dɛ́ ba ba ne dem. Mɛɛ ɛ heyaa nɛnjenaa, ásɛ harɛ nɔ ta nɛra bwa kpɛɛ heya, dɛ́ ɡel he berɛ dɔ kondɔɔh ja. Men Korowiirii bola.”

Amanesoma Luk Aa Chwera Tɔn 17:22

Asɛ Yeesu ŋɔ o habɔteŋra la be ŋɔ, “Aa ba tel saŋ bɛlee ásɛ hɛɛ nyin dɛ fe dɔ Men Nɛn Bie la kɛŋɔ n ne haa soɡa tɔpebeŋkpoŋ ɡbo ɡba, kɛ haa ɡɛɛ dɔ.

Amanesoma Luk Aa Chwera Tɔn 19:43

Tɔpere bɛl ɛɛ bao ásɛ he dɔma ba ma danjwɛɛ bar he bwɛɛ nɔ, dɛ́ tɔ heyaa do haa wola won le.

Amanesoma Luk Aa Chwera Tɔn 21:6

“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.

Mmarare 30:5

Ásɛ he berɛ ba kpɔ harɛ he naawa fa aa soɡe o ta wubwa la so ó ɛ he kon. Wɛɛ berɔɔ ɡel he do wer dɛ́ warɛ ɡwaa ɡɛ he naawa fa aa doa la.

Hibru 8:8

Kɛ Korowii nao kɛŋɔ o nɛra chɔɡ fɔobene la, a waa o ŋɔ, “Saŋ bɛl ɛɛ bao, ásɛ n ne Israel ne Juu tena fɔwɛ fɔofale bɛl.