Jeremia 26:9 - mzwDBL

⁹ Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 26:9 Iomraidhean Croise

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Jeremia 32:3

Juda Kooro Sedekia laɡ mɛ do dea kɛŋɔ maa ŋɔa ŋɔ Korowii ŋɔ, “N dɛ ba ɡela Babelɔn kooro ba yo bwɛjen nɔ tena, dɛ́ laɡ ba.

Jeremia 33:10

Korowii ŋɔ, “Nɛra dɛ bol ŋɔ bonɔ do kɛŋɔ pua hɛŋle ɡbo harɛ, nɛra kɛɛ kondɛɛra toole o ta. Kpelaa ba ŋɔ. Juda harɛ bwɛɛre ne Jerusalam fɔɡbaahna bwa chɔ pɛɛ, nɛra kɛɛ kondɛɛra toole bela. Kɛ hɛɛ berɔɔ baa no,

Jeremia 36:29

Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Maeka 2:6

Ba keamere ŋɔ, “He bɛ Korowii waa aa dɛ ba bala kerekere la bol. Hɛ́ɛ berɛ a ɡɛ waa nɔ bola, sihiih bɛlbwa aa won di yaa.”

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 27:20

Jaah dɛ Sɔfonomonome ne bwɛɛ nomonome la do nɛnlaa la bwa ŋɔ bá ŋɔ Barabasee baa nyin kɛ Paelet foo ta ásɛ dɛ kpo Yeesu.

Amanesoma Mak Aa Chwera Tɔn 15:11

Jaah dɛ Sɔfonomonome la do nɛnlaa la bwa ŋɔ bá ŋɔ Barabasee baa nyin, dɛ ŋɔ Páelet leo ta.

Amanesoma Jɔn Aa Chwera Tɔn 8:20

Korowii Dea suuɡa tae dakare bɔr belaa Yeesu do dɛɛ baɡle waa dɛ bol ɡɛ waa nɔ. Bɛlbwa ta wone lawɔ, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 8:59

Belaa ba pa bwea ŋɔ ba dɛ foɡro, asɛ o sɔh dɛ le Korowii Dea bela kaa.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 21:30

Ate, bwɛɛ la tena bwa lɛ ɡaeh, dɛ chwa le bobɛlbwa dɛ lawɛ Pɔɔl, dɛ tuuɡu le Korowii Dea la bini. Buɡ la ta, dɛ ba tɔɔɡe Korowii Dea la ɡbeni bwa.

We-ɛɛla 22:22

Pɔɔl aa dɛ bol o waa la bwa dɛ nɛra la bwa cheɡ deŋne dɛɛ no o be. Kɛ waa ba dɛ bol nɛra baa wola Juu tena ɛɛ be laŋa waa la, ba baah diu baa nyɛɡ kohona dɛɛ ŋɔ, “Hé le o ne! Bɔkwaa he ɡel o che dɛɛ ɛɔ?”

We-ɛɛla 3:11

Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela.

We-ɛɛla 5:12

Dɛ Yeesu toroma la dɛ ɛ wekpeɡa ne nyokpowaa nɛra la bini. Dɛ asɔre tena la dɛ cheme Korowii Dea la dahara bobɛl baa dɛ yerɛ bela Solomɔn Pato la ta.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 6:14

Ya noɔ waa ŋɔa ŋɔ Yeesu waa le Nasarɛt la ɛɛ paɡre Korowii Dea nɔɔ, dɛ beɡre ya mmarare ne ya waa Mosis aa baɡle ya naawa la bwa.”

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,