Jeremia 26:4 - mzwDBL

⁴ Korowii berɔ ŋɔ ń bol nɛra la be ŋɔ, “Hɛɛ teŋɛ n waa maa dɛ baɡle heyaa la ta,

Jeremia 26:4 Iomraidhean Croise

1 Koranar 9:6

Kɛ dɛ he ne he nɛra berɛ habɔɔ kpo mɛ, dɛ vɛh me Mmarare ta teŋa, dɛ kaa tomɛ voɡa ane dɛɛ ɡuŋa aa,

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 22:5

Kɛ dɛ haa waa maa do heyaa a ta teŋaa, amɔ te men Korowii, n dɛ ŋwɛɛ n ɡbaɡba kɛŋɔ koodem nɔ bwa ɛɛ kuuɡuu dɛ́ berɛ dimɡbia.”

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.

Jeremia 44:10

Hale ba le fini he ta he te pwɛrɛ mɔɔ. Haa men duu kɛɛ dɛɛ teŋɛ me Mmarare maa kpɔa tɛ he ne he naawa la ta.

Jeremia 44:23

Haa ɛ sarahare dɛɛ tɛ voɡare, haa wola waa Korowii aa do heyaa a ta teŋɛ, dɛ ɛ wechɔɡa jo o nɛɛ la waa wekpeɡa nɔ ba he nɛɛ la.”

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Mmarare 11:32

hé nyiŋi kɛrɛdɛ dɛɛ teŋɛ mmarare la bwa maa kpɔa dɛɛ tɛ heyaa fini nɔ ta.”

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 4:44

Mosis kpɔ Korowii Mmarare ne o webaɡla bil Israel tena la sie.

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.