Jeremia 26:3 - mzwDBL

³ Ba ken ɛɛ noo dɛ́ charɛ le ba wechɔɡa ta. Ba ɛ ɡɛ tenaa, mɛɛ charɛ n liiree chɔɡa n fe aa ŋɔa mɛɛ kpɔɔ ba ta ba nɛɛ laanee.”

Jeremia 26:3 Iomraidhean Croise

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

Jeremia 26:13

Anomanta, hé charɛ he soɡa ne we-ɛɛla bwa, dɛ́ɛ teŋɛ Korowii haa dɛ tomɔ nɛ, ásɛ o charɛ o liire dɛ bɛ wenaale waa bol a waa la kpɔ ba ta he nɛɛ kpa.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Ɛsekeɛl 12:3

Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.

Ɛsekeɛl 18:21

Kɛ dɛ wechɔɡ-ɛɛ ɡel wechɔɡa waa ɛa, dɛɛ teŋɛ me Mmarare bwa ta, dɛɛ ɛ anɔ la aa toɡra dɛ do wer aa, wɛɛ dɔ o nyuu kɛrɛdɛ, waa sewɛ.

Hosia 11:9

Maa n bandia kohona laanee kpɔ ba tɛr he deŋne, kɛɛ dɛ́ berɛ ba chɔɡ heyaa kpa. Korowiirii men, nɛwɛnyini laa men. N ɡboo Korowii Maa Do Goroŋ dɛ do he baah ta, maa n bandia ne he bee ba.

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Jona 4:2

asɛ o soŋe Korowii ŋɔ, “N Naa Korowii, waa maa lɔ n bwɛɛ dɛ bol la laa nɔ naa? A waa n fee chwa dɛɛ kaa Taases la. N jemɔ kɛ he dɛ na nɛn sum, he tea dɛ domɛ nɛn nɛ, he baah aa di warawara. Nɛnnyin ɡboo he bwa. He won he liire chara dɛ́ le nɛwɛnyina deŋne tɛra ta.