Jeremia 26:21 - mzwDBL

²¹ Kooro Jehoiakim ne o laa tena dɛ o nomonome bwa aa no waa Uria aa bola la, dɛ o dɛ nyinu dɛ́ kpo. Kɛ Uria noɔ kɛ kooro dɛ nyinu dɛ́ kpo, asɛ dɛ kpɔ ɔmee chwa kaa Ijipt harɛ ta.

Jeremia 26:21 Iomraidhean Croise

1 Koranar 18:10

N ŋwɛɛ Korowii haa dɛ tomɔ o do le nɔ kɛŋɔ, kooro ɡelɔ ba ka ɡaaɡe he bɔr harɛre bwa ta. Bobɛlbwa toole baa wola he bɔr ɡaaɡɛ. Bobɛlbwa nomoa ŋɔ o ta hen nae o harɛ ta naa, Kooro Ahab yon ɡel o ŋwɛɛ ntam kɛŋɔ o ta hen nae.

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Webena 24:21

Kooro Joas sɛoh o ne ba vɔrɔwe Sekaria vɔrɔwa. Asɛ o ɡel ba foɡro bwea Korowii Dea dembaah dɛ kpoo.

Yela 119:109

Saŋ bɛlbwa n cheɡɛ seo nyoa, n ta he waa soɛh bwa.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Jeremia 26:10

Juda nomonome aa no ɡɛ waa nɔ la, ba le koodem bela dɛ la Korowii Dea, dɛ ka che ba chebɔra doonyoa bɛl baa dɛ yerɔ Doonyofale la ta.

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 10:39

Nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu, ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Matiu 14:5

Asɛ kooro la fe ɛɛ nyin Jɔn dɛ́ kpo. Kɛ dɛ o dɛ ɔmɛ Juu tena la, dɛkalkɛ ba te bwa ŋɔ Jɔn ɛ Korowii keame.

Amanesoma Mak Aa Chwera Tɔn 6:19

Hɛrɔdeas lɛ Jɔn kɔrɔ dɛɛ nyinu dɛ́ kpo, kɛ o ta wone.