Jeremia 26:2 - mzwDBL

² “Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 26:2 Iomraidhean Croise

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Jeremia 1:7

Ate, Korowii ŋɔ n be ŋɔ, “Bɛ ŋɔ he ɛ bechala, a chɛ kɛ he la nomɛlbwa maa tomɛ o be la be, dɛ́ ka bol wobɛlbwa maa doe ŋɔ hé bol.

Jeremia 19:14

Belaa men Jeremia le Tɔfɛt bela Korowii aa tom mɛ n ka bol o waa la. Asɛ n ka che Korowii Dea dembaah bela dɛ ŋɔ nɛra la bwa be ŋɔ,

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Jeremia 25:2

Anomanta, men Korowii keame Jeremia bol Juda tena la bwa ne nɛra baa lɔ Jerusalam be ŋɔ,

Jeremia 28:5

Belaa men Jeremia che sɔfore ne nɛra baa lɔ Korowii Dea la sie dɛ bol Hanania be ŋɔ,

Jeremia 36:10

Gemaria mɛɛ Safan waa ɛ koodem karake dea belaa Baruk che dɛ kure waa bwa maa bol o be o chwerɛ do tɔn bini la. O dea la lɔ nyunduabɔr dɛ bɛne Korowii Dea doonyoa bɛl baa dɛ yerɔ Doonyofale la bɔr.

Jeremia 42:4

Anee n chaŋe ŋɔ, “N noɔ, mɛɛ soŋe Korowii yaa dɛ tomɔ ɡɛ haa dɛ soŋe laanee, ásɛ wobɛlbwa waa bol n be la, ń bol he be. Maa wobɛlbwaa kpɔ sɔh heya.”

Jeremia 7:2

ó che Korowii Dea doonyoa dɛ́ bol waa nɔ, “Juda tena bwa, hé no waa Korowii aa dɛ bol, heyaa yon kpɔ doonyoa nɔ ta jo dɛ baa tomɛ Korowii.

Jeremia 7:27

Jeremia, he bol ɡɛ waa nɔ ba be kwaraa naa, baa he bee no, he yer ba ɡe aa, baa hen chaŋe.

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 33:7

Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Luk Aa Chwera Tɔn 19:47

Dɛ o dɛ la Korowii Dea tɔpere bɛlbwa dɛ kaa baɡle wa. Dɛ Sɔfonomonome ne Tɔnjerema ne nɛra la bini nomonome la dɛ nyinu dɛ́ kpo,

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

Amanesoma Jɔn Aa Chwera Tɔn 8:2

Bɔr aa dɛ chaah chɔmbibi la, o berɛ kaa Korowii Dea. Belaa nɛnlaa ba o be dɛ ba baro cheme, asɛ o so harɛ dɛɛ chaɡ ba Korowii Wa.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 5:25

Belaa baa bɛl ba dɛ ba ŋɔ. “Hé no bonɔ! Nɛra la haa do ba dea laanee lɔ Korowii Dea dɛɛ baɡle nɛra Korowii Waa la!”

We-ɛɛla 5:42

Anomanta, tɔpere te bɛlbwaa baa bol Amanesoma la Korowii Dea la bini, ne nɛra deremi kɛŋɔ Yeesuu Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ o nɛra la.

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 4:2

He bɛ wobɛlbwa kpɔ ja waa maa do heyaa a ta la ta, he bɛ ane ɡe laa kpɔ. Hé lawɛ Korowii haa dɛ tomɔ waa maa kpɔa dɛɛ tɛ heyaa nɔ bini.

Josua 8:35

Wobɛlbwa toole Mosis aa chwera, Josua aa wola an kure. O kure wobɛlbwa kɛrɛdɛ ken dɛ baɡle Israel tena la baa cheme bela la bwa. Haahna ne bechale ne hɔɔhra ba ne baa soɡa bwa.

Wepila 22:19

Dɛ nomɛlbwa laa waa aa dɛ ba bala kerekere nɔ bini ane tamaa bɛlbwa kpɔ a ta naa, Korowii aa on mkpa daa maa baɡle o waa tɔn nɔ bini la nɔnaa tɛ ó di. Waa on bɔree tɛ o bwɛjen waa do ɡoroŋ la maa baɡle o waa la ta.