Jeremia 26:10 - mzwDBL

¹⁰ Juda nomonome aa no ɡɛ waa nɔ la, ba le koodem bela dɛ la Korowii Dea, dɛ ka che ba chebɔra doonyoa bɛl baa dɛ yerɔ Doonyofale la ta.

Jeremia 26:10 Iomraidhean Croise

2 Koranar 15:35

O ta voɡa baa kpoo kwaa a ta dɛ ɛ sarahare dɛɛ fuh daawiile a ta la chɔɡɛ. Nɛra teŋɔ kpoo kwaa ɛ sarahare dɛɛ fuh konsɔɔhsoma a ta. Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la.

2 Webena 27:3

Kooro Jotam berɔ kwaa ma Korowii Dea doonyoa baa dɛ yerɔ Weekaŋle Nyundua Doonyoa la. Dɛ berɛ kwaa ɛ toma kɛrɛdɛ danjwɛɛ waa bar Jerusalam Ofel deŋɡare ta.

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

Jeremia 26:21

Kooro Jehoiakim ne o laa tena dɛ o nomonome bwa aa no waa Uria aa bola la, dɛ o dɛ nyinu dɛ́ kpo. Kɛ Uria noɔ kɛ kooro dɛ nyinu dɛ́ kpo, asɛ dɛ kpɔ ɔmee chwa kaa Ijipt harɛ ta.

Jeremia 26:24

Kɛ ane a bwa, men Jeremia te dɔ n nyu di, dɛkalkɛ Safan bibaa Ahikam cha mɛ o ta ɡelɛ ba laɡ mɛ tɛ nɛra la ba kpo mɛ.

Jeremia 34:10

Anomanta, nɛra la ne ba nomonome bwa baa fɔwɛ fɔo la sɛoh ŋɔ, baa ɡel nɛra baa laɡ ba yoma laanee, ásɛ ba bɛlbwa di o nyu. Asɛ ba bwa sɛh dɛ ɡel bɛlbwa dɔ o te.

Jeremia 34:19

Juda ne Jerusalam dɛ koodem nomonome, ne sɔfore dɛ harɛ la ta nɛra bwa n ne baa fɔwɛ fɔo ba valɛ kpɔ nabale baa pere o bini anɛ baah la,

Jeremia 36:10

Gemaria mɛɛ Safan waa ɛ koodem karake dea belaa Baruk che dɛ kure waa bwa maa bol o be o chwerɛ do tɔn bini la. O dea la lɔ nyunduabɔr dɛ bɛne Korowii Dea doonyoa bɛl baa dɛ yerɔ Doonyofale la bɔr.

Jeremia 36:25

A lole kɛŋɔ Ɛl Netan ne Delaya dɛ Gemaria soŋe kooro la ŋɔ o bɛ tɔn la fuh, kɛ o ta ba be noɛ.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:6

Na ɡɛ Israel koranar aa cheɡɛ ba ɡbaɡba kpeɡri ta dɛɛ kpoo nɛra!