Jeremia 24:6 - mzwDBL

⁶ Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 24:6 Iomraidhean Croise

Mumpar 44:21

He ŋɔ ya be ŋɔ ya la ka kpɔɔ ba he nao,

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Nehemia 5:19

N Naa Korowii maa dɛ tomɛ, lii n wa, dɛ́ ɛɛ mɛ kɛrɛdɛ, waa bwa maa ɛa tɛ nɛra nɔ wa.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Jeremia 12:15

A habɔɔ, mɛɛ berɔ dɔ tedoma tɛ ɡɛ nɛra nɔ bwa, dɛ́ berɛ ba ba ne ba buɡ ta. Ásɛ bɛlbwa kaa o nɛra bini, ne harɛ waa le o ta.

Jeremia 16:15

Kɛ baa berɔ ŋwɛɛ n sɔn taa ŋɔ men Korowii maa lole saŋ bɛlbwa laanee lawɛ Israel tena le weekaŋle nyunduabɔr harɛ ta, ne harɛre waa lɔ ba peɡre a ta la ta. Mɛɛ berɔ kpɔ ba ba harɛ ba ɡbaɡba aa le o ta, n kpɔ tɛ ba naawa la.”

Jeremia 21:10

N siwi beɡrɔ kɛ ń chɔɡ bwɛjen nɔ, o kɛrɛdɛ doe te laa. Babelɔn kooro nɔn taa wɛɛ ba doe, ásɛ o fuh o bwa dɛɛboo ken.” Korowiirii bola.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 31:28

Gɛ maa nyiŋi ba nɛɛ dɛ fuɡri dɛ kuuɡi dɛ chɔɡ dɛ berɛ laɡ ba ir dɛ du la, ɡɛɛ mɛɛ ba ba nɛɛ nyiŋa dɛ́ laɡ ba ir, ásɛ ba kpeɡ kɛŋɔ konduula ken.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Jeremia 33:7

N dɛ ba ɡela Juda ne Israel tena wobɛlbwa do wer tɛɛ ba, dɛ́ berɛ ɡel bá do kpeɡri ɡɛ ba fa aa doa wubwa la.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 39:12

“Kpɔɔ kaa dɛ́ kaa nyiŋi o nɛ, dɛɛ berɛ on hɔhɔrɔwa bɛlbwa ɛɛ, kɛ wobɛlbwa waa dɛ nyin la, ɛ tɛo.”

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Mmarare 11:12

O ɛ harɛ Korowii haa dɛ tomɔ nɔ aa dɛ nyiŋi o ta saŋ te bɛlbwa, o siwi lɔ o ta tɔpere bɛlbwa ka tel benanyoa aa ba cheme.

1 Pita 3:12

A do ɡɛ, dɛkalkɛ nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa. Kɛ nɛra baa dɛ ɛ wechɔɡa te, o ne baa jo.”